|
24.01.25
ՍՏԵՓԱՆԱՎԱՆ ՀԱՄԱՅՆՔԻ ՂԵԿԱՎԱՐ ԱՐՄԵՆ ԳՐԻԳՈՐՅԱՆՆ ԸՆՏՐՎԵԼ Է ՀԱՅԱՍՏԱՆՈՒՄ ՔԱՂԱՔԱՊԵՏԵՐԻ ԴԱՇՆԱԳՐԻ ԱԿՈՒՄԲԻ ՓՈԽՆԱԽԱԳԱՀ
|
|
Հունվարի 22-ին Երևանում ԵՄ կողմից ֆինանսավորվող «Քաղաքապետերի դաշնագիր՝ Արևելք» (CoM East) ծրագրի շրջանակներում՝ Հայաստանի համայնքների միության աջակցությամբ անցկացվել է Քաղաքապետերի դաշնագրի ակումբի չորրորդ հանդիպումը։ Հանդիպմանը մասնակցել են ՀՀ տարածքային կառավարման և ենթակառուցվածքների նախարարի տեղակալ՝ պրն. Արմեն Սիմոնյանը, Հայաստանում ԵՄ պատվիրակության ղեկավար, դեսպան՝ պրն. Վասիլիս Մարագոսը, Ծրագրի աշխատանքային խմբի ղեկավար պրն. Քրիստոֆ Ֆրերինգը, ՀՀ-ում ԵՄ «Քաղաքապետերի դաշնագիր հանուն կլիմայի և էներգիայի» առաջատար նախաձեռնությունն անդամակցող համայնքների, ինչպես նաև գործընկեր կազմակերպությունների ներկայացուցիչներ, փորձագետներ: Քաղաքապետերի դաշնագրի ակումբի հանդիպման ...
Մանրամասն |
|
|
24.01.25
ՀԱՄԱՅՆՔԱՅԻՆ ԱՆՑՈՒԴԱՐՁ
|
|
Ստեփանավանի համայնքապետարանում հունվարի 23-ին կայացավ մասնակցային բյուջետավորման կառավարման հանձնաժողովի անդրանիկ նիստը, որտեղ գործընթացի կառավարման հանձնաժողովի անդամներն անդրադարձան հանձնաժողովի լիազորություններին, ներկայացրեցին աշխատակարգը և միջոցառումների իրականացման ժամանակացույցը։
Հանձնաժողովի նախագահ Լ. Հովհաննիսյանը պատասխանեց ներկաների կողմից բարձրաձայնված հարցերին:
|
|
|
24.01.25
ՈՒՇԱԴՐՈՒԹՅՈՒՆ
|
|
Հարգելի համաքաղաքացիներ
Համաձայն «Հայաստանի Հանրապետության բյուջետային համակարգի մասին» ՀՀ օրենքի 35-րդ հոդվածի՝ Ստեփանավանի համայնքապետարանի նիստերի դահլիճում՝ ս/թ փետրվարի 12-ին տեղի կունենա հանրային բաց լսում՝ Ստեփանավան համայնքի 2024 թ բյուջեի կատարման և Տարեկան աշխատանքային պլանի (ՏԱՊ) իրականացման հաշվետվության վերաբերյալ:
|
|
|
24.01.25
ՈՒՇԱԴՐՈՒԹՅՈՒՆ
|
|
Հարգելի համաքաղաքացիներ
Հունվարի 28-ին`Հայոց բանակի կազմավորման օրվա առթիվ, Ստեփանավան համայնքում նախատեսվում են հետևյալ միջոցառումները` 11:00֊ին՝ հարգանքի տուրք Ազատամարտիկների պուրակում և ծաղիկների խոնարհում նահատակված հերոսների հիշատակին։ 12։00֊ին՝ Արթուր Ղարիբյանի անվան արվեստի դպրոց՝ համերգային ծրագիր՝ Արվեստի դպրոցի և Մշակույթի պալատի սաների մասնակցությամբ։
|
|
|
23.01.25
ԷՆԵՐԳԱԱՐԴՅՈՒՆԱՎԵՏՈՒԹՅԱՆ ԲԱՐՁՐԱՑՄԱՆՆ ՈՒ ԷՆԵՐԳԱԽՆԱՅՈՂՈՒԹՅԱՆԸ ՆՊԱՍՏՈՂ ԽՈՐՀՈՒՐԴՆԵՐ
|
|
Բնակիչները, որպես էներգիայի հիմնական սպառող, կենսական դեր են խաղում էներգիայի աղբյուրների արդյունավետ սպառման գործում։ Հատկապես ձմռան ամիսներին, երբ աճում է էներգակիրներից կախվածությունը և առնչվող ծախսը, վարքագծային փոփոխությունների միջոցով առավել էներգաարդյունավետ դառնալով, բնակիչները կարող են նվազեցնել էներգիայի կորուստները և գումար տնտեսել։ ԱՄՆ ՄԶԳ Հայաստանի էներգետիկ անվտանգության ծրագիրը, համագործակցելով ՀՀ տարածքային կառավարման և ենթակառուցվածքների նախարարության հետ, մշակել է էներգաարդյունավետության բարձրացմանն ու էներգախնայողությանը նպաստող խորհուրդներ, որոնք միտված են բարձրացնել տնային տնտեսությունների էներգաարդյունավետությունը, ջերմային հարմարավետությունը և հաշվի են առնում կենցաղավարման ...
Մանրամասն |
|
|
22.01.25
ՀԱՆՐԱՅԻՆ ԼՍՄԱՆ ՀՐԱՎԵՐ
|
|
Հարգելի համաքաղաքացիներ
«Տեղական ինքնակառավարման մասին» ՀՀ օրենքում և «Սոցիալական աջակցության մասին» ՀՀ օրենքում տեղի ունեցած փոփոխություններով պայմանավորված՝ հրավիրում ենք մասնակցելու Ստեփանավան համայնքի ղեկավարի լիազորությունների շրջանակում սոցիալական աջակցության ծառայությունների տրամադրման վերաբերյալ հանրային քննարկմանը, որը տեղի կունենա սույն թվականի փետրվարի 6-ին՝ ժամը 15։00-ին՝ Ստեփանավանի համայնքապետարանի նիստերի դահլիճում:Ակնկալում ենք համայնքի ավագանու անդամների, համայնքի ակտիվ բնակիչների, կամավորների, շահագրգիռ կառույցների և ՀԿ-ների ներկայացուցիչների ակտիվ մասնակցությունը։
|
|
|
22.01.25
ԱՋԱԿՑԻՐ ՄԱՍՆԱԿՑԱՅԻՆ ԲՅՈՒՋԵՏԱՎՈՐՄԱՆ ԿԱՅԱՑՄԱՆԸ ՍՏԵՓԱՆԱՎԱՆՈՒՄ
|
|
Ստեփանավանի համայնքապետարանում մեկնարկել է 2025 թվականի մասնակցային բյուջետավորման գործընթացը՝ ըստ համայնքի ավագանու 2024 թ դեկտեմբերի 24 թիվ 133 , համայնքի ղեկավարի հունվարի 17-ի N 91 և ՀՀ կառավարության 2023 թվականի նոյեմբերի 2-ի թիվ 1890-Ն որոշումներին համապատասխան: Ստեփանավան համայնքի ղեկավարի որոշմամբ ստեղծվել է բյուջետավորման գործընթացի կառավարման հանձնաժողով, հաստատվել են վերջինիս իրավասությունները, գործընթացի իրականացման ընթացակարգերն ու չափանիշները, առաջարկ-նախագծերի ներկայացման հայտի և նախնական գնահատման աղյուսակի ձևաթղթերը, ինչպես նաև մասնակցային բյուջետավորման գործընթացի իրականացման ժամանակացույցը։ Առաջարկների ընդունման փուլը կմեկնարկի փետրվարի 1-ից մինչև 16-ը՝ ըստ ժամանակացույցի :
|
|
| 1 2 3 4 5 6 7 8 9 10 ... |