ք․ Ստեփանավան 11․03․2025թվական
Հայաստանի Հանրապետության Լոռու մարզի «Ստեփանավանի համայնքապետարանի աշխատակազմ» համայնքային կառավարչական հիմնարկի կողմից 27․02․ 2025 թվականին հայտարարվել է մեկ անձից գնման ընթացակարգով «ՀՀ-ԼՄՍՀ-ՄԱԾՁԲ-25/16» ծածկագրով մրցույթը՝ պատճենահանող և տպող սարքերի լիցքավորման ծառայության ձեռք բերման նպատակով։ Հայտերի ներկայացման ժամկետ սահմանվել է 28․02․2025 թվականը։
«Գնումների մասին» ՀՀ օրենքի 23-րդ հոդվածի 1-ին մասի 4-րդ կետի համաձայն, գնումը կարող է կատարվել մեկ անձից, եթե գնման գինը չի գերազանցում գնումների բազային միավորը։
Ստեփանավան համայնքում պատճենահանող և տպող սարքերի լիցքավորման ծառայություն մատուցվում է երեք անհատ ձեռնարկատերերի կողմից, ուստի մրցույթի հրավերն ուղարկվել է վերոնշյալ երեք անհատ ձեռնարկատերերին։
Գնման ընթացակարգին սահմանված կարգով և ժամկետում մասնակցության հայտ է ներկայացրել միայն «Ա/Ձ Կարինե Բախշինյան»-ը, ում հայտը բավարարում է մրցույթի պահանջներին։ Վերջինս հանդիսանում է Ստեփանավան համայնքի ավագանու անդամ Արթուր Պապյանի կինը։
Ուստի՝ ղեկավարվելով «Հանրային ծառայության մասին» Հայաստանի Հանրապետության օրենքի 33-րդ հոդվածի 7-րդ մասով սահմանված պահանջներով և հաշվի առնելով Կոռուպցիայի կանխարգելման հանձնաժողովի 07․03․2025 թվականի թիվ 01/955-2025 գրությունը, որպես պատվիրատուի ղեկավար հայտնում եմ, որ առկա է փոխկապակցվածություն «Ա/Ձ Կարինե Բախշինյան» մասնակցի հետ և հանդես եմ գալիս շահերի բախման իրավիճակի առկայության վերաբերյալ հրապարակային հայտարարությամբ։
Հայտարարության հրապարակումից հետո, Հայաստանի Հանրապետության Լոռու մարզի «Ստեփանավանի համայնքապետարանի աշխատակազմ» համայնքային կառավարչական հիմնարկի և «Ա/Ձ Կարինե Բախշինյան» մասնակցի միջև սահմանված կարգով կկնքվի համապատասխան պայմանագիր։