Ստեփանավան քաղաքը մտնում է ՀՀ Լոռու մարզի տարածաշրջանային կազմի մեջ` գտնվելով մարզի գրեթե երկրաչափական կենտրոնում, Ձորագետի միջին հոսանքի աջ և ձախ ափերին,  ծովի մակարդակից 1400մ բարձրության վրա:   Ընդհանուր տարածքը  5333.6 հեկտար է, որից 1020 հա-ը կառուցապատված: Քաղաքի պարագիծը 26.5 կմ է, հյուսիսից հարավ  միջին լայնությունը  կազմումէ 6.3 կմ, իսկ արևելքից արևմուտք երկարությունը` 4 կմ: Ստեփանավան քաղաքի ամբողջ երկարությամբ` արևելքից-արևմուտք անցնում է  Հայաստանը ԱՊՀ երկրների հետ կապող Երևան-Թբիլիսի միջպետական նշանակության Մ3 ավտո մայրուղին, որը համայնքի համար ունի ռազմավարական և սոցիալ - տնտեսական նշանակություն:  Ստեփանավանից սկսում են  3 հանրապետական նշանակության ճանապարհներ` Ստեփանավան-Ալավերդի, Ստեփանավան-Պրիվոլնոյե-Ախքյորփի և Ստեփանավան-Կաթնաղբյուր: 

Ստեփանավանը ունի բարեխառն չափավոր խոնավ կլիմա, տարեկան միջին ջերմաստիճանը 6,6 աստիճան է: Հունվարի միջին ջերմաստիճանը - 4,2 աստիճան է, հուլիսյանը` 16,7 աստիճան: Տարեկան թափվում են 683մմ մթնոլորտային տեղումներ: Ձմեռները ձյունառատ են: Շրջակայքում կան անտառներ, բնական շինանյութերի մեծ պաշարներ: Քաղաքը իր բնակլիմայական պայմաններով հանդիսանում է Հայաստանի առողջարանային բնակավայրերից մեկը:

Կաթնաղբյուր վարչական բնակավայրը հիմնվել է 1830 -ական թվականներին: Արևմտյան Հայաստանի Գյուլհերան գյուղի գաղթականների կողմից: Մինչև այդ հանդիսացել է  հեռագնա արոտավայր:

Բնակավայրը գտնվում է Հայաստանի Հանրապետության հյուսիսային մասում, Բազումի լեռների հյուսիսային լանջերին, Ստեփանավան քաղաքից հարավ արևմտյան մասում՝ 20 կմ հեռավորության վրա։

Կաթնաղբյուր վարչական բնակավայրը բարձրադիր լեռնային է, գտնվում է ծովի մակերևույթից 1650 մ բարձրության վրա, այնտեղով է հոսում Ձորագետ գետը: Գյուղամերձ սոճու անտառները,  հանքային ջրերի աղբյուրները և մաքուր օդը յուրօրինակ կոլորիտ են հաղորդում զբոսաշրջիկներին:

     Կաթնաղբյուր բնակավայրի կլիման ձմռանը ցրտաշունչ է, ամռանը՝ զով: Մթնոլորտային տեղումների  միջին տարեկան քանակը 700 (մմ) է: Օդի  միջին ջերմաստիճանը հունվար ամսին -5 (⁰C) է, իսկ հուլիս ամսին՝ 14 (⁰C):

https://www.youtube.com/@katnaghbyur

Արմանիս բնակավայր․  Հայաստանի Հանրապետության Լոռու մարզի Ստեփանավանի տարածաշրջանում։ Գտնվում է Ստեփանավանից մոտ 6 կմ դեպի արևմուտք։ Հիմնադրվել է Ալաշկերտից գաղթած հայերի կողմից 1870 թվականին։

Արմանիս բնակավայրը գտնվում է ծովի մակարդակից 1520-1600 մ բարձրության վրա։ Հարուստ է անտառներով,բնական ջրերով, վարելահողերով, արոտավայրերով, խոտհարքներով։ Բնակչությունը զբաղվում է անասնապահությամբ և գյուղական հողերի մշակմամբ։

Արմանիս բնակավայրը ունի Լեռնային բարեխառն մայրցամաքային կլիմա՝ ցրտաշունչ, ձյունառատ, բայց համեմատաբար մեղմ ձմեռներով և զով ամառներով։ Հունվարի միջին ջերմաստիճանը -5⁰C է։ Հուլիսի ջերմանստիճանը +16⁰C, տեղումների միջին քանակը 700մմ։

Ուրասար բնակավայրը նախկինում անվանել են Կույբիշև, որը հիմնադրվել է 1803-1805թ․թ․։  1994թ․ ապրիլ ամսից գյուղը վերանվանվել է Բազումի լեռնաշղթայի ամենաբարձր սարի անունով, որի բարձրությունը հասնում է 2950մ և կոչվում է Ուրասար՝այսինքն, որի գագաթին ծվարում են ուրուրները։   

Ուրասար բնակավայրը մտնում է ՀՀ Լոռու մարզի, Ստեփանավան համայնքի կազմի մեջ։ Ընդհանուր մակերեսը կազմում է 23,196կմ²։  Բարձրությունը ծովի մակերևույթից 1525մ է։  Հեռավորությունը մարզկենտրոնից  33կմ հյուսիս-արևմուտք, իսկ Ստեփանավան քաղաքից 9 կմ դեպի արևմուտք։

Ուրասար բնակավայրի կլիման ձմռանը ցրտաշունչ է, ամռանը՝ զով։ Մթնոլորտային տեղումների միջին տարեկան քանակը  700(մմ) է: Օդի միջին ջերմաստիճանը հունվար ամսին -5(°C) է, իսկ հուլիս ամսին՝ 14(°C)։ 

Ստեփանավանի կամուրջը անցնում է Ձորագետի կիրճի վրայով։

Կամուրջը շահագործման է հանձնվել 1989թ.: Կամրջի ամբողջ երկարությունը 237մ է, լայնությունը ` 23մ :  Կամրջի բարձրությունը Ձորագետ գետի մակարդակից 58մ էրջ Ձորագետ գետի կիրճի վրայովամուրջ Ձորագետ գետի կիրճի վրայով