Լոռվա աշխարհը բազմաթիվ տաղանդաշատ զավակներ է տվել: Նրանցից մեկը,ժողովրդի կողմից սիրված և Ժողովրդական դերասանի պատվավոր կոչմանն արժանացած՝ թատրոնի և կինոյի մեծ նվիրյալ, ռեժիսոր, քաղաքական և հասարակական գործիչ, Երևանի և իր ծննդավայր Ստեփանավանի պատվավոր քաղաքացի Սոս Սարգսյանն է: Զարմանալի չէ, որ քաղաքի զբոսայգում բացված նրա արձանը միշտ շրջապատված է լինում այցելուներով:

2015թ. եղեռնի 100-ամյակի կապակցությամբ «Դեսին» պուրակում տեղադրվել է խաչքար և  քանդակագործ Գրիգոր Մանուկյանի մոնումենտալ «Խաչպար» արձանը։

Դեռևս Հայրենական պատերազմի տարիներն էին, երբ մեծանուն ճարտարապետ Ռաֆայել Իսրայելյանն առաջարկեց աղբյուր-հուշարձանների միջոցով հավերժացնել պատերազմի մասնակից հերոսների հիշատակը:

Խորհրդային Հայաստանի տարածքում տեղադրված առաջին նմանատիպ հուշարձաններից մեկն է Ստեփանավան քաղաքում գտնվող աղբյուր-հուշարձանը, որի նախագիծն իրականացվել է դեռևս 1943 թվականին:

Մեծանուն ճարտարապետ Ռաֆայել Իսրայելյանի խոսքերն են՝

«Հայաստանում աղբյուրներ շատ կան...
Իմ նախագծերով կառուցված բազմաթիվ աղբյուր-հուշարձանների կոմպոզիցիոն հնարները շատ են բազմազան և ընդհանուր շատ բան ունեն ժողովրդական ստեղծագործությունների հետ, թեև դրանք հնչում են նորովի. այդ են վկայում շատ տեղերում, օրինակ Ստեփանավանում և այլուր կառուցված աղբյուր-հուշարձանները»։

https://www.irates.am/hy/1588973021

․

2018թվականին Ստեփանավան քաղաքի Գագարինի պուրակում  տեղադրվել է Հայաստանի առաջին հանրապետության խորհրդարանի առաջին նախագահ Ավետիք Սահակյանի (Հայր Աբրահամ) կիսանդրին։

https://www.irates.am/hy/1596215714

2024թ դեկտեմբերի 7-ին լրացավ Սպիտակի երկրաշարժի 36 տարին: Հայաստանի հյուսիսային մարզերի գլխին եկած  պատուհասի արդյունքում զոհվել է ավելի քան 25000 մարդ, վիրավորվել՝ ավելի քան 130000 մարդ, իսկ 500000-ից ավելին մնացել էր անօթևան: Երկրաշարժի անմեղ զոհերի հիշատակին նվիրված խաչքարի մոտ ավանդաբար հարգանքի տուրք է մատուցվում՝ քահանաների աղոթքներով և ծաղիկներով: