Դեկտեմբերի 9-ին նշվում է Կոռուպցիայի դեմ պայքարի միջազգային օրը: 2003թ. այս օրը Մեքսիկայի Մերիդա քաղաքում քաղաքական թեմայով ժողովներից մեկի ժամանակ ՄԱԿ-ի գլխավոր ասամբլեան տոնի հաստատման առթիվ ստորագրեց փաստաթուղթ: Փաստաթղթի ստորագրումը պահանջում էր այն ընդունող պետություններից դրամական կամ ցանկացած այլ տեսակի կաշառք վերցնելը համարել հանցագործություն: Կոնվենցիայի դրույթներից մեկի համաձայն՝ կոռուպցիայի հետևանքով շրջանառված գումարը պետք է հետ վերադարձնել այն պետությանը, որտեղից այն վերցվել է: Ավելի քան 100 պետություն միանգամից ընդունեց Կոռուպցիայի դեմ պայքարի միջազգային օրը որպես պաշտոնական տոն: Շատ երկրներում այդ օրը տեղի են ունենում խաղաղ ցույցեր, հանդիպումներ, սեմինարներ և բազմաթիվ այլ միջոցառումներ՝ նվիրված կոռուպցիայի դեմ պայքարին: