Ստեփանավանի համայնքապետարանը հայտարարում է մրցույթ` հետևյալ թափուր պաշտոնը զբաղեցնելու համար

1) «ՀՀ Լոռու մարզի Ստեփանավան քաղաքի Հաշվապահական հաշվառում» ՀՈԱԿ-ի տնօրեն
Մրցույթին մասնակցելու իրավունք ունեն Հայաստանի Հանրապետության այն գործունակ չափահաս քաղաքացիները, ովքեր ունեն`

1) բարձրագույն կրթություն.

2) հանրային ծառայության առնվազն չորս տարվա ստաժ կամ առնվազն հինգ տարվա մասնագիտական աշխատանքային ստաժ կամ համապատասխան բնագավառի առնվազն երեք տարվա աշխատանքային ստաժ, եթե օրենքով այլ բան նախատեսված չէ.

Տնօրենի ընտրության լրացուցիչ պայմաններն են`

1) տրամաբանելու և տարբեր իրավիճակներում կողմնորոշվելու ունակություն.

2) ֆինանսատնտեսական գործունեության իրականացման կարողություն.

3) համակարգչով և ժամանակակից այլ տեխնիկական միջոցներով աշխատելու ունակություն.

4) աշխատանքի կազմակերպման և ղեկավարման անհրաժեշտ հմտություններ.

5) ենթակաների հետ վարվելու անհրաժեշտ էթիկայի կանոնների իմացություն.

6) առնվազն մեկ օտար լեզվի իմացություն:

Տնօրենը՝

1. Տնօրենն իրականացնում է կազմակերպության  ընթացիկ գործունեության ղեկավարումը։ Տնօրենն  օրենքներով, հիմնադրի  ու  համայնքի  ղեկավարի  որոշումներով, սույն  կանոնադրությամբ  և  իրեն   վերապահված լիազորությունների  սահմաններում  ղեկավարում է կազմակերպության գործունեությունն  ու  կրումպատասխանատվություն  օրենքների, այլ իրավական  ակտերի, հիմնադրի  որոշումների, սույն  կանոնադրության  և  կնքված   պայմանագրերի  պահանջները  չկատարելու  կամ  ոչ  պատշաճ  կատարելու  համար

2. Առանց  լիազորագրի  հանդես  է գալիս  կազմակերպության  անունից,ներկայացնում  նրա  շահերը  և  կնքում  գործարքներ

3. Հայաստանի  Հանրապետության  օրենսդրությամբ, հիմնադրի  և  համայնքի  ղեկավարի  որոշումներով  և  սույն  կանոնադրությամբ սահմանված կարգով  տնօրինում  է կազմակերպության  գույքը, այդ թվում ֆինանսական միջոցները

4. Տալիս  է կազմակերպության   անունից  հանդես  գալու  լիազորագրեր, այդ  թվում՝  վերալիազորման   իրավունքով  լիզազորագրեր

5. Աշխատանքի է նշանակում և աշխատանքից  ազատում է  կազմակերպության աշխատողներին, նրանց նկատմամբ  կիրառում  խրախուսման  միջոցներ  և նշանակում  կարգապահական տույժեր

6. Բանկերում  բացում է հաշվարկային  հաշիվներ

7. Սահմանում է կազմակերպության  կառուցվածքն ու կառուցվածքայինստորաբաժանումների  իրավասությունները

8. Օրենքով և  սույն կանոնադրության  սահմանված  իր  լիազորությունների  սահմաններում  արձակում  է  հրամաններ, հրահանգներ, տալիս պարտադիր կատարման համար  ցուցումներ  և  վերահսկում  դրանց  կատարումը

9. Վերահսկողություն  է  իրականացնում  կազմակերպության  աշխատողների  կողմից  իրենց  աշխատանքային  պարտականությունների  կատարման  նկատմամբ

10. Ապահովում է ներքին աշխատանքային  կարգապահության  կանոնների,  աշխատանքի  պաշտպանության  և անվտանգության  տեխնիկայի պահպանումը

կազմում  է կազմակերպության  հաստիքային  ցուցակն ու  ծախսերի նախահաշիվը  և դրանք ներկայացնում  կառավարման մարմնի  հաստատմանը

11. Իրականացնում է սույն կանոնադրությամբ նախատեսված, Հայաստանի Հանրապետության  օրենսդրությանը չհակասող  և  կազմակերպության  կառավարման  մյուս  մարմիններին չվերապահված  այլ  լիազորություններ 

Պաշտոնային դրույքաչափը՝ 255․000 ՀՀ դրամ։ 

Կազմակերպության գտնվելու վայրը՝ ք․ Ստեփանավան, Գարեգին Նժդեհ 5։

Մրցույթը կկայանա 2024 թվականի նոյեմբերի 21-ին ժամը 11:00-ին, Ստեփանավանի համայնքապետարան՝ ք. Ստեփանավան Սոս Սարգսյան 1 վարչական շենք:, հեռ. (0256)2-22-33:

Փաստաթղթերի ընդունման վերջնաժամկետն է 2024 թվականի նոյեմբերի 06-ը։

Մրցույթին մասնակցելու համար քաղաքացիները Աշխատակազմ են ներկայացնում`

1) դիմում.

2) մեկ լուսանկար` 3x4 չափսի.

3)քաղվածք աշխատանքային գրքույկից կամ տեղեկանք աշխատանքային գործունեության մասին.

4) ինքնակենսագրություն.

5) անձնագրի կամ նույնականացման քարտի, բարձրագույն կրթությունը հավաստող փաստաթղթի, արական սեռի անձինք` նաև զինգրքույկի կամ դրան փոխարինող ժամանակավոր զորակոչային տեղամասին կցագրման վկայականի, նախադպրոցական ուսումնական հաստատության տնօրենի դեպքում հավաստագրի՝ բնօրինակները և պատճենները.

6) տեղեկանք` մշտական բնակության վայրից.

7)հրատարակված հոդվածների ցանկ կամ գիտական կոչումը հավաստող փաստաթղթեր (դրանց առկայության դեպքում).

Մրցույթին մասնակցելու համար դիմած քաղաքացին փաստաթղթերը ներկայացնում է անձամբ` անձնագրով կամ անձը հաստատող այլ փաստաթղթով:

Փաստաթղթերը ընդունվում են Ստեփանավանի համայնքապետարանի աշխատակազմում`ք. Ստեփանավան,  Սոս Սարգսյան 1 վարչական շենք,  հեռ.(0256)2-22-33 ժամը 10:00- ից մինչև 15:00-ը, բացի շաբաթ և կիրակի օրերից: