1991թ-ին UNESCO-ի (ՄԱԿ-ի կրթության, գիտության և մշակույթի հարցերով կազմակերպություն) ընդհանուր գագաթնաժողովում ստորագրվեց որոշում «Աշխարհում մամուլի ազատության ապահովմանն օժանդակության մասին»` ընդունելով, որ ազատ և անկախ մամուլը ցանկացած ժողովրդավարական հասարակության անհրաժեշտ բաղկացուցիչն է: Այդ գագաթնաժողովը ՄԱԿ-ի Գլխավոր Ասամբլեային փոխանցեց UNESCO-ի անդամ պետությունների արտահայտած ցանկությունը` մայիսի 3-ը մամուլի ազատության միջազգային օր հայտարարելու մասին: 1993թ-ին ՄԱԿ-ի Գլխավոր Ասամբլեան վավերացրեց այն: Այդ ամսաթիվը ընտրվել էր ի հիշատակ աֆրիկյան մամուլի անկախության ապահովմանն օժանդակության Վինդհուկյան հռչակագրի, որն ընդունվել էր 1991թ-ի մայիսի 3-ին` Վինդհուկում (Նամիբիա) ՄԱԿ-ի ներկայացուցչության և UNESCO-ի կողմից կազմակերպված սեմինարին: Մամուլի ազատության համաշխարհային օրը միջազգային հանրությանը ամենամյա հիշեցում է, որ մամուլի ազատությունն ու ազատ կարծիք արտահայտելը այն հիմնական իրավունքներ են` ամրագրված Մարդու իրավունքների համընդհանուր հռչակագրով: