Հարգելի համաքաղաքացիներ

Տեղեկացնում ենք, որ ապրիլի 15-ից ապրիլի 30-ը՝ ժամը 08։00-18։00-ն, Ստեփանավանի հրաձգարանի տարածքում անցկացվելու է հրաձգության գործնական պարապմունք: Խնդրում ենք պահպանել զգուշավորություն:

Այսօր Հայ Առաքելական Սուրբ Եկեղեցին նշում է Ծաղկազարդը` Տեր Հիսուս Քրիստոսի` Երուսաղեմ հաղթական մուտքի հիշատակը։ Ստեփանավանի Սուրբ Սարգիս եկեղեցում մատուցվեց պատարագ, որից հետո կատարվեց մանուկների օրհնության կարգ։

Ստեփանավան համայնքի ղեկավարն այսօր՝ ապրիլի 12֊ին, մասնակցել է համայնքում իրականացվող ծառատունկի աշխատանքներին Չնայած եղանակային անբարենպաստ պայմաններին՝ "Ստեփանավանի կոմունալ սպասարկում և բարեկարգում" ՀՈԱԿ֊ի աշխատակիցները Անդրանիկի փողոցում այսօր ևս շարունակել են ծառատունկը։ Աշխատանքներին տեղում հետևել և ծառեր է տնկել նաև Ստեփանավան համայնքի ղեկավար Արմեն Գրիգորյանը, ով ծառատնկման աշխատանքներին ներկա բնակիչներին հորդորել է խնամքով վերաբերվել և, անհրաժեշտության դեպքում, կենդանիների կողմից պատճառվող վնասներից պաշտպանել նորատունկ ծառերը։

Ստեփանավան համայնքի ավագանին ապրիլի 11-ին գումարեց ութերորդ նստաշրջանի երրոդ նիստը, որը վարեց համայնքի ղեկավարի առաջին տեղակալ Հրահար Աբրահամյանը: Օրակարգի 10 և հավելյալ հարցերը ավագանին հաստատեց միաձայն: Ավագանու նիստի մանրամասներին հետևեք՝ անցնելով հղումով՝  :

Ստեփանավանում շարունակվում են ներհամայնքային փողոցների մասնակի բարեկարգման աշխատանքները։ Աշխատանքային պլանի համայաձայն՝ «Ստեփանավանի կոմունալ սպասարկում և բարեկարգում» ՀՈԱԿ-ի աշխատակիցների կողմից ճանապարհների բարեկարգման, խճապատումով հարթեցման աշխատանքներ են իրականացվում Ձախափում ՝ 4-րդ միկրոշրջանի բարեկարգման ենթակա փողոցներում: