Ինչպե՞ս ստանալ շինարարության (քանդման) թույլտվություն

Նախքան շինարարության (քանդման) թույլտվություն ստանալն անհրաժեշտ է urban.e-gov.am կայքի միջոցով Ստեփանավան համայնքի ղեկավարին ներկայացնել առցանց դիմում՝ նախագծման թույլտվություն (ճարտարապետահատակագծային առաջադրանք) ստանալու համար։ Նախագծման թույլտվության (ճարտարապետահատակագծային առաջադրանք) համար կայքում պահանջվող պարտադիր փաստաթղթերից բացի անհրաժեշտ է առցանց դիմումին պարտադիր կցել նաև սեփականության վկայական և էսքիզային նախագիծ։ Դիմումի մակագրումից և փաստաթղթերի ուսումնասիրությունից հետո տրամադրվում է նախագծման թույլտվությունը, որից հետո urban.e-gov.am կայքի միջոցով Ստեփանավան համայնքի ղեկավարին պետք է ներկայացնել առցանց դիմում՝ շինարարության (քանդման)թույլտվություն ստանալու համար։Դիմումինկից անհրաժեշտ է ներկայացնել հետևյալ փաստաթղթերը․
կառուցվող օբյեկտի նախագծա-նախահաշվային փաստաթղթերը,
պայմանագիր լիցենզավորված շինարարական կազմակերպության հետ,
պայմանագիր լիցենցավորված տեխնիկական հսկողության վերաբերյալ,
պայմանագիր լիցենզավորված հեղինակային հսկողության վերաբերյալ,
տեղական տուրքերի և վճարների մուծման անդորրագրերը։

Շինարարության թույլտվություն ստանալու համար Ստեփանավանի համայնքապետարանում սահմանված տուրքերն են․

201-ից մինչև 500 քառակուսի մետր ընդհանուր մակերես ունեցող շենքերի և շինություններիի համար՝ 30000 դրամ,
501-ից մինչև 1000 քառակուսի մետր ընդհանուր մակերես ունեցող շենքերի և շինությունների համար՝ 50000 դրամ,
1001-ից մինչև 3000քառակուսիմետրընդհանուրմակերեսունեցողշենքերիևշինություններիհամար՝50000 դրամ,
3001-ից քառակուսի մետր ընդհանուր մակերես ունեցող շենքերի և շինությունների համար՝ 100000 դրամ։

Ստեփանավան համայնքի վարչական տարածքում շենքերի, շինությունների, քաղաքաշինական այլ օբյեկտների քանդման (բացառությամբ Հայաստանի Հանրապետության օրենսդրությամբ սահմանված քանդման թույլտվություն չպահանջվող դեպքերի) թույլտվության համար տեղական տուրքը սահմանվել է 10000 դրամ։

Վերոնշյալ տուրքերն անհրաժեշտ է փոխանցել 900255101421 հաշվեհամարին։