| Բովանդակություն * | Այսօր՝ փետրվարի 12-ին՝ Ստեփանավանի համայնքապետարանում տեղի ունեցած խորհրդակցութան ընթացքում համայնքի ղեկավարին զեկուցվեց հրդեհից տուժած բնակիչների հետ տարվող աշխատանքների ընթացքի մասին: Համայնքապետարանի աշխատակիցները հանդիպել են բնակիչներին, կազմակերպել բոլորին հագուստներով ապահովելու գործընթացը, խոսել նրանց հետ վարձով բնակարաններ տեղափոխվելու հետ կապված աշխատանքներից, գրառել փաստաթղթերի վերականգնման հետ կապված խնդիրները: Խորհրդակցության ընթացքում համայնքի ղեկավար Արմեն Գրիգորյանը պատասխանատուներին հանձնարարել է շարունակել ուշադրության կենտրոնում պահել և գրառել բնակիչների կարիքները, ամենօրյա ռեժիմով տեղեկանալ հիվանդների առողջական վիճակի մասին: Տրվել են նաև այլ հանձնարարականներ: |