Աշոտաբերդի հրդեհից տուժած բնակիչների կարիքները ՀՀ կառավարության, Լոռու մարզպետարանի և Ստեփանավանի համայնքապետարանի առաջնային ուշադրության կենտրոնում են: Ամեն ինչ արվել և արվում է նրանց խնդիրների լուծման և աստիճանաբար բնականոն կյանքին վերադառնալու համար: Ստեփանավան համայնքի ղեկավարն այսպես սկսեց փետրվարի 17-ի աշխատանքային խորհրդակցությունը: Համայնքապետարանի պատասխանատուները զեկուցեցին, որ բնակիչներն արդեն տեղավորված են վարձով բնակարաններում: Խորհրդակցության ընթացքում Արմեն Գրիգորյանն անդրադարձավ տարբեր բաժինների աշխատանքներին, ընթացիկ աշխատանքային գործունեության հետ կապված տրվեցին նոր հանձնարարականներ: