| Բովանդակություն * | Ստեփանավան համայնքի ղեկավարը, փետրվարի 11-ին տեղի ունեցած խորհրդակցության ընթացքում, համայնքապետարանի պատասխանատու անձանց հետ քննարկել է հրդեհից տուժած ընտանիքների կեցության հետ կապված մանրամասները: Արմեն Գրիգորյանը հանձնարարել է հետևողական լինել նրանց խնդիրներին, հերթական անգամ գնահատել նրանց կարիքները՝ կապված փաստաթղթերի վերականգնման, սննդի, դեղորայքի և հագուստների ապահովման հետ: Համայնքի ղեկավարը հանձնարարել է, համագործակցելով Լոռու մարզպետարանի հետ, կազմակերպել և կարգավորել վարձով բնակարաններ տեղափոխվելու հետ կապված հարցերը: Քննարկվել են նաև հետագա աշխատանքների համակարգման հետ կապված հարցեր: Տրվել են հանձնարարականներ: |