| Բովանդակություն * | Գարնանային աշխատանքների մեկնարկին ընդառաջ՝ Ստեփանավան համայնքի ղեկավար Արմեն Գրիգորյանը մարտի 12-ին աշխատանքային խորհրդակցություն անցկացրեց «Ստեփանավանի կոմունալ սպասարկում և բարեկարգում» ՀԱՈԿ-ի տնօրենի և աշխատակիցների հետ: Գարնան մեկնարկի հետ պայմանավորված տարաբնույթ աշխատանքները ժամանակին և պատշաճ կերպով կազմակերպելու նպատակով համայնքի ղեկավարը հորդորեց կազմել աշխատանքային գրաֆիկ: Համայնքի բոլոր՝ հատկապես Ձախափնյա թաղամասի, 3-րդ և 4-րդ միկրոշրջանների փողոցները պետք է ազատվեն ձմռան ընթացքում կուտակված աղբից և մացառներից, պատշաճ կերպով իրականացվեն բարեկարգման, ծառերի էտի և բների փխրեցման, սիզամարգերի և պուրակների մաքրման, ծաղկապատման ու կանաչապատման աշխատանքներ: Այս աշխատանքներն ավելի արդյունավետ կազմակերպելու նպատակով Արմեն Գրիգորյանի կողմից աշխատակիցներին տրվեցին հստակ հանձնարարականներ: |