Ստեփանավանի համայնքապետարանում այսօր տեղի ունեցած խորհրդակցության ընթացքում համայնքի ղեկավար Արմեն Գրիգորյանը ստորաբաժանումների ղեկավարների հետ քննարկեց անցած աշխատանքային շաբաթվա պատկերը՝ անդրադառնալով կրթամշակութային, գյուղատնտեսության, քաղաքաշինության ոլորտների աշխատանքներին, լսեց համապատասխան բաժինների պետերին, արեց իր դիտարկումները, տվեց հանձնարարականներ: Խորհրդակցության ընթացքում անդրադարձ եղավ նաև համայնքապետարանի ընթացիկ այլ աշխատանքներին, քաղաքի մաքրության ու կանաչապատման ուղղությամբ տարվող գարնանային աշխատանքների ընթացքին, որտեղ համայնքի ղեկավարը կարևորեց համայնքապետարանի յուրաքանչյուր աշխատակցի, համայնքի ամեն մի բնակչի սրտացավ վերաբերմունքն ու մոտեցումը՝ բացառելու համար ոլորտում առաջ եկող խնդիրները, բացթողումներն ու թերացումները: