| Բովանդակություն * | Քաղաքաշինության, հողաշինության և շրջակա միջավայրի պահպանության բաժնում տեղի ունեցած փոփոխություններին էր վերաբերում հունվարի 14-ին Ստեփանավան համայնքի ղեկավարի կողմից հրավիրված աշխատանքային խորհրդակցությունը: Արմեն Գրիգորյանը, վերոնշյալ բաժնում աշխատակիցների փոփոխություններով պայմանավորված, կարևորեց աշխատանքների ճիշտ և արդյունավետ կազմակերպումը, բաժնի պետի և ոլորտի պատասխանատուի հետ հստակեցրեց յուրաքանչյուր աշխատակցի պարտականությունը՝ հերթական անգամ փաստելով համայնքի բնակիչներին պատշաճ կերպով, արագ և որակով սպասարկման կարևորությունը: Տրված հանձնարարականների շարքում համայնքի ղեկավարը շեշտադրեց հատկապես վերահսկողությունը համայնքում իրականացվող տարաբնույթ աշխատանքների ընթացքին, առաջ եկող թերացումներին ու բացթողումներին: |