Ստեփանավան համայնքի ղեկավար Արմեն Գրիգորյանը ՀՈԱԿ-ների տնօրենների հետ աշխատանքային խորհրդակցությունն սկսեց շնորհավորական նոտայով: Համայնքի ղեկավարը նախ ներկայացրեց և իր շնորհավորանքը փոխանցեց թիվ 2 մանկապարտեզի նորանշանակ տնօրեն Սոնա Ջանոյանին՝ մաղթելով նրան արդյունավետ աշխատանքային գործունեություն, ապա շնորհավորեց համայնքի ենթակայության գործող չորս մանկապարտեզների տնօրեններին՝ քննություններին հաջողությամբ մասնակցելու և նախադպրոցական ուսումնական հաստատության ղեկավարման իրավունքի հավաստագրերի արժանանալու համար: Հանդիպմանը քննարկվեցին ՀՈԱԿ-ների աշխատանքային ընթացակարգերը, վեր հանվեցին խնդիրները, նշվեցին լուծման ուղիները: