|
29.01.25
ՍՏԵՓԱՆԱՎԱՆ ՀԱՄԱՅՆՔՈՒՄ ՇԱՐՈՒՆԱԿՎՈՒՄ Է ՄԱՍՆԱԿՑԱՅԻՆ ԲՋՈՒՏԱՎՈՐՄԱՆ ԻՐԱԶԵԿՄԱՆ ՓՈՒԼԸ
|
|
Ստեփանավան համայնքում մասնակցային բյուջետավորման գործընթացի իրազեկման նպատակով հերթական հանդիպումները կազմակերպվեցին Ստեփանավանի Ճգնաժամային կառավարման պետական ակադեմիայում և Քալանթարի անվան պետական գյուղատնտեսական քոլեջում: Ուսանողների և դասախոսական կազմի հետ քննարկվեցին գործընթացի մասնրամասները, ընթացակարգերը: Նրանք կարևորեցին մասնակցային բյուջետավորման գործընթացի կազմակերպումն ու իրականացումը՝ որպես համայնքի բնակիչների ակտիվ մասնակցությունն ապահովող կարևոր գործոն:
|
|
|
28.01.25
ՍՏԵՓԱՆԱՎԱՆ ՀԱՄԱՅՆՔԻ ՂԵԿԱՎԱՐ ԱՐՄԵՆ ԳՐԻԳՈՐՅԱՆԻ ՈՒՂԵՐՁԸ ՀԱՅՈՑ ԲԱՆԱԿԻ ԿԱԶՄԱՎՈՐՄԱՆ ԿԱՊԱԿՑՈՒԹՅԱՄԲ
|
|
Սիրելի՛ հայրենակիցներ
Ջերմորեն շնորհավորում եմ բոլորիս ՀՀ Բանակի կազմավորման օրվա առթիվ: Հայոց բանակը մեր անկախ պետականության ամենակարևոր նվաճումներից է։ ՀՀ զինված ուժերի մարտական ոգին, հայրենասիրությունը խարսխված են դարավոր պատմության ընթացքում մեր ժողովրդի ցուցաբերած ազատատենչության, զորավարների անցած փառավոր ուղու և մեր մարտիկների սխրանքի ու հայրենասիրության վրա։ Խոնարհումով ենք հիշում Հայոց պետականության կերտմանն ու պաշտպանությանն իրենց կյանքը նվիրաբերած հայորդիներին: Խորին երախտագիտություն ենք հայտնում քաջ զինվորներին, սպաներին և զինվորականներին, ովքեր այսօր էլ անսասան պաշտպանում են մեր երկրի սահմանները: Խաղաղություն և տոկունություն մեր բանակին և հայ ժողովրդին: Աստված պահապան Հայոց աշխարհին:
|
|
|
28.01.25
ՀԱՄԱՅՆՔԱՅԻՆ ԱՆՑՈՒԴԱՐՁ
|
|
Ստեփանավան համայնքի ղեկավար Արմեն Գրիգորյանի գլխավորությամբ՝ ՀՀ Զինված ուժերի կազմավորման օրվա առթիվ՝ Ազատամարտիկների պուրակում, ծաղիկներ ու ծաղկեպսակներ խոնարհվեցին հայրենիքի համար կյանքը զոհաբերած հերոսների հիշատակին: Միջոցառումն ամփոփվեց Տեր Մամբե քահանա Ոսկանյանի ձեռամբ կատարված հիշատակի արարողությամբ և Տերունական աղոթքով: Միջոցառմանը ներկա էին Ստեփանավանի համայնքապետարանի աշխատակիցներ, ուժային կառույցների ներկայացուցիչներ, զինվորականներ, կրթամշակութային օջախների, ուսումնական հաստատությունների աշխատակիցներ, ուսանողներ ու աշակերտներ, Ստեփանավան համայնքի բնակիչներ:
|
|
|
28.01.25
ՍՏԵՓԱՆԱՎԱՆ ՀԱՄԱՅՆՔՈՒՄ ՇԱՐՈՒՆԱԿՎՈՒՄ Է ՄԱՍՆԱԿՑԱՅԻՆ ԲՅՈՒՋԵՏԱՎՈՐՄԱՆ ԳՈՐԾԸՆԹԱՑԻ ԻՐԱԶԵԿՄԱՆ ՓՈՒԼԸ
|
|
Հերթական հանդիպումը տեղի ունեցավ Ստեփանավան խոշորացված համայնքի Արմանիս, Ուրասար և Կաթնաղբյուր բնակավայրերում։ Ներկայացնելով գործընթացի մանրամասները՝ Ստեփանավան համայնքի ղեկավարի խորհրդական Լ. Հովհաննիսյանը պատասխանեց ներկաների հարցերին։
|
|
|
27.01.25
ՈՒՇԱԴՐՈՒԹՅՈՒՆ
|
|
Հունվարի 25֊ին Երևանում կայացած Universe art միջազգային փառատոնի "նկարչություն" անվանակարգում իրենց մասնակցությունն ունեցան և փայլուն հաջողություններ գրանցեցին Ստեփանավանի Ա. Ղարիբյանի անվան արվեստի դպրոցի սաները։ Սաներից երեքն արժանացան առաջին, երկրորդ և երրորդ մրցանակային կարգերի։
|
|
|
27.01.25
ՈՒՇԱԴՐՈՒԹՅՈՒՆ
|
|
Ստեփանավանի Սոս Սարգսյանի անվան մշակույթի պալատի դիզայնի և կերպարվեստի խմբերի սաները հունվարի 25֊ին մասնակցեցին Երևանում կայացած Universe art միջազգային մրցույթ֊փառատոնին՝ գրանցելով հաղթանակներ։ Սաներին հաջողվեց արժանանալ Հատուկ մրցանակի, գրավել 4 առաջին կարգի և 2 երրորդ կարգի մրցանակային տեղեր։
|
|
|
24.01.25
ՍՏԵՓԱՆԱՎԱՆ ՀԱՄԱՅՆՔԻ ՂԵԿԱՎԱՐ ԱՐՄԵՆ ԳՐԻԳՈՐՅԱՆՆ ԸՆՏՐՎԵԼ Է ՀԱՅԱՍՏԱՆՈՒՄ ՔԱՂԱՔԱՊԵՏԵՐԻ ԴԱՇՆԱԳՐԻ ԱԿՈՒՄԲԻ ՓՈԽՆԱԽԱԳԱՀ
|
|
Հունվարի 22-ին Երևանում ԵՄ կողմից ֆինանսավորվող «Քաղաքապետերի դաշնագիր՝ Արևելք» (CoM East) ծրագրի շրջանակներում՝ Հայաստանի համայնքների միության աջակցությամբ անցկացվել է Քաղաքապետերի դաշնագրի ակումբի չորրորդ հանդիպումը։ Հանդիպմանը մասնակցել են ՀՀ տարածքային կառավարման և ենթակառուցվածքների նախարարի տեղակալ՝ պրն. Արմեն Սիմոնյանը, Հայաստանում ԵՄ պատվիրակության ղեկավար, դեսպան՝ պրն. Վասիլիս Մարագոսը, Ծրագրի աշխատանքային խմբի ղեկավար պրն. Քրիստոֆ Ֆրերինգը, ՀՀ-ում ԵՄ «Քաղաքապետերի դաշնագիր հանուն կլիմայի և էներգիայի» առաջատար նախաձեռնությունն անդամակցող համայնքների, ինչպես նաև գործընկեր կազմակերպությունների ներկայացուցիչներ, փորձագետներ: Քաղաքապետերի դաշնագրի ակումբի հանդիպման ...
Մանրամասն |
|
| 1 2 3 4 5 6 7 8 9 10 ... |