Ղեկավարվելով «Նորմատիվ իրավական ակտերի մասին» ՀՀ օրենքի 33-րդ, 34-րդ հոդվածներով, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետով Ստեփանավան համայնքի ավագանին որոշում է.

1. Ստեփանավան համայնքի ավագանու 15.02.2024 թվականի թիվ 13-Ա որոշման /այսուհետ՝ Որոշում/ վերնագրի 4-րդ տողում գրված «նվիրաբերելու» բառը փոխարինել «նվիրելու» բառով և այն շարադրել հետևյալ կերպ՝ «Ստեփանավան համայնքի սեփականությունը հանդիսացող Հ. Մեսրոպյան փողոց թիվ 32 հասցեում գտնվող հողամասը եվ շինությունը «ՈՒՐԱՐՏՈւ» ֆուտբոլային ակումբի սեփականատեր Ջեվան Կրիկորի Չելոյանցին նվիրելու և հողամասի նպատակային նշանակությունը փոփոխելու մասին»։
2. Որոշման առաջին պարբերության 4-րդ տողում գրված «ՀՀ քաղաքացիական օրենսգրքի 605-րդ հոդվածով» նախադասությունը փոխարինել «ՀՀ քաղաքացիական օրենսգրքի 594-րդ հոդվածով» նախադասությամբ։
3. Որոշման առաջին կետում գրված «նվիրաբերելու» և «պայմանով» բառերը փոխարինել «նվիրելու» և «նպատակով» բառերով և այն շարադրել հետևյալ կերպ՝ «Ստեփանավան համայնքի սեփականությունը հանդիսացող (հիմք՝ 2024 թվականի փետրվարի 08-ի 08022024-06-0006 սեփականության վկայական) Հ. Մեսրոպյան փողոց թիվ 32 հասցեում գտնվող 06-007-0050-0002 կադաստրային ծածկագրով, 5.9244 հա մակերեսով հողամասը և 06-007-0050-0002-001 կադաստրային ծածկագրով, 344.9 քառակուսի մետր մակերեսով շինությունը նվիրել «ՈՒՐԱՐՏՈՒ» ֆուտբոլային ակումբի սեփականատեր Ջեվան Կրիկորի Չելոյանցին՝ տարածաշրջանում ֆուտբոլը զարգացնելու նպատակով»։
4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։