Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 29-րդ կետով, Հայաստանի Հանրապետության կառավարության 2015թ. հուլիսի 23-ի «Հայաստանի Հանրապետության համայնքների (բնակավայրերի) գլխավոր հատակագծերի մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի N 609-Ն ու 2010 թվականի մարտի 4-ի N 208-Ն որոշումներն ուժը կորցրած ճանաչելու մասին» N 1920-Ն որոշումով, հիմք ընդունելով «Ստեփձոր» ՍՊԸ դիմումը, 03.04.2024թ. 03042024-06-0068 սեփականության վկայականը, Ստեփանավան համայնքի ավագանին. որոշում է.

1. Հայաստանի Հանրապետության Ստեփանավան համայնքի Ստեփանավան քաղաքի վարչական սահմաններում գտնվող ՀՀ սեփականություն հանդիսացող 06-007-1519-0013 կադաստրային ծածակագրի 0,25 հա ջրային նպատակային նշանակության հողամասը «Ստեփձոր» ՍՊԸ կողմից հիդրոէլեկտրոկայան կառուցելու նպատակով, ՀՀ օրենսդրությամբ սահմանված կարգով փոխադրել էներգետիկայի, կապի, տրանսպորտի, կոմունալ ենթակառուցվածքների օբյեկտների նպատակային նշանակության, էներգետիկայի գործառնական նշանակության:
2. Համայնքի ղեկավարին՝ հողամասերի նպատակային նշանակության փոփոխման առաջարկության վերաբերյալ կազմված հողաշինարարական գործը ներկայացնել ՀՀ վարչապետի 2009թ. դեկտեմբերի 22-ի N 1064-Ա որոշմամբ ստեղծված միջգերասեսչական հանձնաժողովի քննարկմանը: