Ստեփանավան համայնքի Ստեփանավան քաղաքի գյուղատնտեսական ծրագրերի իրականացման համար անհրաժեշտություն է առաջանում սահմանված կարգով վարձակալությամբ տրամադրել համայնքային սեփականություն հանդիսացող 06-007-0750-0003 կադաստրային ծածկագրով, 11.8885 հա մակերեսով հողամասը: Ելնելով վերը նշվածից, հիմք ընդունելով՝ ՀՀ կառավարության 08.05.2003թ. թիվ 585-Ն որոշումը և ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 21-րդ կետով, ՀՀ հողային օրենսգրքի 63-րդ և 67-րդ հոդվածներով ՝ Ստեփանավան համայնքի ավագանին որոշում է.

1. Տալ հավանություն 25 տարի ժամկետով վարձակալությամբ տրամադրելու Ստեփանավան համայնքի Ստեփանավան քաղաքում գտնվող, համայնքային սեփականություն հանդիսացող, գյուղատնտեսական նշանակության 06-007-0750-0003 կադաստրային ծածկագրով, 11.8885 հա մակերեսով գյուղատնտեսական նպատակային նշանակության, արոտավայր գործառնական նշանակության հողամասը: Մեկնարկային գին սահմանել՝ 119000 /մեկ հարյուր տասնինը հազար/ ՀՀ դրամ:
2. Սույն որոշումն ուժի մեջ է մտնում պաշտոնական հրապարակման հաջորդող օրվանից: