Ղեկավարվելով «Տեղական ինքնակառավարման մասին» Հայաստանի Հարապետության օրենքի 18-րդ հոդվածի 21-րդ կետով և 43-րդ հոդվածով, Հայաստանի Հանրապետության հողային օրենսգրքի 76-րդ հոդվածով Ստեփանավան համայնքի ավագանին` որոշում է.

1. Թույլատրել համայնքի ղեկավարին 2024 թվականի ընթացքում Ստեփանավան համայնքի սեփականությունը հանդիսացող հողամասերից օրենքով սահմանված կարգով կառուցապատման և վարձակալության իրավունքով հասարակական օբյեկտներ տեղադրելու կամ կառուցելու նպատակով տրամադրվող հողամասերի վարձավճարի չափը սահմանել ըստ տարածագնահատման գոտիների.
• 11-րդ գոտի՝ 1 քմ-ի համար տարեկան 4500 ՀՀ դրամ
• 12-րդ գոտի՝ 1 քմ-ի համար տարեկան 2900 ՀՀ դրամ
• 13-րդ գոտի՝ 1 քմ-ի համար տարեկան 1900 ՀՀ դրամ
• 14-րդ գոտի՝ 1 քմ-ի համար տարեկան 1300 ՀՀ դրամ
• 16-րդ գոտի՝ 1 քմ-ի համար տարեկան 600 ՀՀ դրամ
• 20-րդ գոտի՝ 1 քմ-ի համար տարեկան 200 ՀՀ դրամ
2. Թույլատրել համայնքի ղեկավարին 2024 թվականի ընթացքում Ստեփանավան համայնքի սեփականությունը հանդիսացող հողամասերից օրենքով սահմանված կարգով կառուցապատման և վարձակալության իրավունքով ավտոտնակ և այլ տնտեսական օբյեկտներ տեղադրելու կամ կառուցելու նպատակով տրամադրվող հողամասերի վարձավճարի չափը սահմանել ըստ տարածագնահատման գոտիների.
• 11-րդ, 12-րդ, 13-րդ և 14-րդ գոտիների համար՝ 1 քմ-ի համար տարեկան 1000 ՀՀ դրամ
• 16-րդ և 20-րդ գոտիների համար ՝ 1 քմ-ի համար տարեկան 400 ՀՀ դրամ
3. Սույն որոշումն ուժի մեջ է մտնում պաշտոնական հրապարակման հաջորդող օրվանից: