Ստեփանավան համայնքի ղեկավարին է դիմել «Ստեփանավանի կոմունալ սպասարկում և բարեկարգում» համայնքային ոչ առևտրային կազմակերպության տնօրենի ժ/պ Արարատ Չերքեզյանը և խնդրել, որ կազմակերպության աշխատանքները բարելավելու, նրա կանոնադրական պարտավորությունների պատշաճ կատարմանն աջակցելու և աշխատանքները ավելի լավ ու հարմարավետ կատարելու նպատակով կազմակերպությանը անհատույց օգտագործման իրավունքով տրամադրել Ստեփանավան համայնքի սեփականությունը հանդիսացող, Լոռու մարզ, ք. Ստեփանավան Թումանյան փողոց 18 ա հասցեում գտնվող անշարժ գույքը։
  Ելնելով վերոգրյալից և ղեկավարվելով ՀՀ քաղաքացիական օրենսգրքի 685-687-րդ հոդվածներով, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետով Ստեփանավան համայնքի ավագանին՝ որոշում է.

1. Ստեփանավան համայնքին համաձայն՝ անշարժ գույքի սեփականաության (օգտագործման) իրավունքների գրանցման N 2502979 ՀՀ վկայականի սեփականության իրավունքով պատկանող, Լոռու մարզ, ք. Ստեփանավան Թումանյան փողոց 18 ա հասցեում գտնվող անշարժ գույքը անհատույց օգտագործման իրավունքով տրամադրել «Ստեփանավանի կոմունալ սպասարկում և բարեկարգում» ՀՈԱԿ-ին, ի դեմս տնօրենի ժ/պ Արարատ Չերքեզյանի։
2. ՀՀ օրեսդրությամբ սահմանված կարգով կողմերի միջև կնքել գույքի անհատույց օգտագործման պայմանագիր։ 3. Անշարժ գույքի անհատույց օգտագործման պայմանագրից ծագող իրավունքները ենթական են պետական գրանցման։