Հայաստանի Հանրապետության Լոռու մարզի Ստեփանավան համայնքի բյուջեն համալրելու և օտարվող գույքը արդյունավետ օգտագործելու նպատակով անհրաժեշտություն է առաջացել օրենքով սահմանված կարգով օտարել համայնքային սեփականություն հանդիսացող անշարժ գույքը:
Ելնելով վերոգրյալից և հիմք ընդունելով` «ՎԻ-ԷՄ-ԱՐ-ՓԻ» սահմանափակ պատասխանատվությամբ ընկերության կողմից տրված ՀՀ, Լոռու մարզ, գյուղ Կաթնաղբյուր, 8-րդ փողոց, թիվ 20 անասնագոմ և պահեստ հասցեում գտնվող անշարժ գույքի շուկայակաան արժեքի գնահատման թիվ ՎՄ-30/2358 հաշվետվությունը, ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետով Ստեփանավան համայնքի ավագանին որոշում է` 1. Թույլատրել աճուրդային կարգով օտարել Ստեփանավան համայնքի սեփականությունը համաձայն՝ անշարժ գույքի սեփականության իրավունքի գրանցման թիվ 2484707 վկայականի հանդիսացող, 06-051-0043-0001 կադաստրային ծածկագրով, արդյունաբերության, ընդերքօգտագործման և այլ արտադրական նշանակության, գյուղատնտեսական արտադրական օբյեկտների գործառնական նշանակության, 12600 քմ մակերեսով հողամասը և արտադրական նպատակային նշանակության, 3283.1 քմ ընդհանուր մակերեսով երկու անասնագոմը և պահեստը։
2. Մեկնարկային գին սահմանել 31000000 (երեսունմեկ միլիոն) ՀՀ դրամ համաձայն «ՎԻ-ԷՄ-ԱՐ-ՓԻ» սահմանափակ պատասխանատվությամբ ընկերության կողմից տրված՝ ՀՀ, Լոռու մարզ, գյուղ Կաթնաղբյուր, 8-րդ փողոց, թիվ 20 անասնագոմ և պահեստ հասցեում գտնվող անշարժ գույքի շուկայական արժեքի գնահատման թիվ ՎՄ-30/2358 հաշվետվությունը։
3. Սույն որոշումը ուժի մեջ է մտնում պաշտոնական հրապարակման հաջորդ օրվանից: |