| Բովանդակություն * | Ստեփանավան համայնքի ղեկավար Արմեն Գրիգորյանը հուլիսի 8-ին աշխատանքային խորհրդակցություն անցկացրեց համայնքապետարանի բաժինների պետերի և ոլորտային պատասխանատուների հետ։ Խորհրդակցության ընթացքում ներկայացվեց աշխատանքների ընթացքը, վերհանվեցին խնդիրները և սահմանվեցին առաջիկա անելիքները։ Համայնքի ղեկավարը կարևորեց պատասխանատու և համակարգված աշխատանքը՝ ընդգծելով, որ համայնքային կառավարման յուրաքանչյուր օղակում մշտապես պետք է զգացվի արդյունք և դրական տեղաշարժ։ Արմեն Գրիգորյանը խորհրդակցություն անցկացրեց նաև «Ստեփանավանի կոմունալ սպասարկում և բարեկարգում» ՀՈԱԿ-ի աշխատակիցների հետ։ Քննարկվեցին քաղաքի մաքրության, աղբահանության, կանաչապատման, գիշերային լուսավորության ցանցի արդիականացման հետ կապված հարցեր։ Այս ուղղություններով համայնքի ղեկավարի կողմից տրվեցին հստակ հանձնարարականներ՝ աշխատանքների ավելի կազմակերպված և հետևողական իրականացման համար։ «Ստեփանավանը պետք է դառնա ավելի մաքուր, կանաչ ու բարեկարգ քաղաք։ Սա պարզապես ցանկություն չէ, այլ աշխատանքի հստակ ուղղություն։ Որպես զբոսաշրջային քաղաք՝ Ստեփանավանը մշտապես պետք է ներկայանա խնամված ու հյուրընկալ տեսքով»-ընդգծեց Ստեփանավան համայնքի ղեկավար Արմեն Գրիգորյանը: |