Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 28-րդ կետով  և «Իրավական ակտերի մասին» Հայաստանի Հանրապետության օրենքի 20-րդ հոդվածով՝  համայնքի ավագանին  որոշում է.

1.      Ուժը կորցրած համարել Ստեփանավան համայնքի ավագանու 24.11.2017թ. թիվ 06-Ա որոշումը իր հավելվածներով

2.     Հաստատել Ստեփանավանի համայնքապետարանի աշխատակազմի կառուցվածքը, քաղաքական, հայեցողական, համայնքային ծառայության պաշտոններ զբաղեցնող և տեխնիկական սպասարկում իրականացնող անձնակազմի աշխատակիցների թվաքանակը, հաստիքացուցակը եվ պաշտոնային դրույքաչափերը` համաձայն NN 1-2  հավելվածների:

3.      Ուժը կորցրած ճանաչել`

1)      Հայաստանի Հանրապետության Լոռու մարզի Ստեփանավան համայնքի ավագանու 2017 թվականի հունվարի 25-ի «Ստեփանավանի համայնքապետարանի աշխատակազմի կառուցվածքը, աշխատակիցների թվաքանակը, հաստիքացուցակը և պաշտոնային դրույքաչափերը հաստատելու մասին»  թիվ 04-Ա որոշումը,

2)    Հայաստանի Հանրապետության Լոռու մարզի Ուրասար համայնքի ավագանու 2016թ.-ի նոյեմբերի 28-ի «Ուրասար համայնքի ղեկավարի վարձատրության չափը, համայնքապետարանի աշխատակազմի աշխատակիցների թվաքանակը, հաստիքացուցակը հաստատելու մասին» թիվ 32-Ա որոշումը,

3)    Հայաստանի Հանրապետության Լոռու մարզի Կաթնաղբյուր համայնքի ավագանու 2016թ.-ի նոյեմբերի 24-ի «Կաթնաղբյուր համայնքի ղեկավարի վարձատրության չափը, համայնքապետարանի աշխատակազմի աշխատակիցների թվաքանակը, հաստիքացուցակը հաստատելու մասին» թիվ 26  որոշումը,

4.     Առաջարկել Ստեփանավան համայնքի ղեկավարին` Ստեփանավանի համայնքապետարանի աշխատակազմի համայնքային ծառայության պաշտոնների անվանացանկը հաստատելու և համայնքի վերակազմակերպման արդյունքում համայնքի կազմում ընդգրկված նախկին Ստեփանավան, Ուրասար, Կաթնաղբյուր համայնքների համայնքապետարանների համայնքային ծառայության պաշտոնների անվանացանկերը ուժը կորցրած ճանաչելու առաջարկությամբ մեկշաբաթյա ժամկետում  սահմանված կարգով դիմել  ՀՀ կառավարության լիազորված պետական կառավարման մարմին։

5.     Սույն որոշման 1-ին և 2-րդ կետերը համայնքային ծառայության պաշտոնների մասով` ուժի մեջ են մտնում Հայաստանի Հանրապետության կառավարության լիազորած պետական կառավարման մարմնի կողմից Ստեփանավանի համայնքապետարանի աշխատակազմի համայնքային ծառայության պաշտոնների անվանացանկը հաստատելու մասին իրավական ակտն ուժի մեջ մտնելու պահից: