Գնահատել եկամուտներն ու ծախսերը՝ պլանավորելու համար հետագա քայլերը
Ստեփանավան համայնքի ղեկավար Արմեն Գրիգորյանն այսօր համայնքապետարանի ոլորտային պատասխանատուների հետ անցկացրած խորհրդակցության ընթացքում կարևորել է աշխատանքների հստակ պլանավորումն ու համակարգված մոտեցումները՝ խնդիրների արդյունավետ լուծման և համայնքի ֆինանսական կայուն զարգացման համար։ Այդ նպատակով համայնքի ղեկավարը ոլորտային պատասխանատուներին հանձնարարել է հստակեցնել ընթացիկ և առաջիկա եկամուտներն ու ֆինանսները, արձանագրել անելիքները, վերլուծել ոլորտային ծախսերը, սահմանել նպատակային գործողություններ և մշակել հաջորդական քայլերի ժամանակացույց։ Արմեն Գրիգորյանը կարևորել է համայնքապետարանի ծրագրերի և պարտավորությունների հաշվետու ու հետևողական իրականացումը, ինչը թույլ կտա ապահովել համայնքի համաչափ զարգացումն ու ֆինանսական կայունությունը։