| Բովանդակություն * | Ստեփանավան համայնքի ղեկավար Արմեն Գրիգորյանի նախաձեռնությամբ համայնքապետարանի նիստերի դահլիճում հոկտեմբերի 1-ին տեղի ունեցավ հերթական աշխատանքային հանդիպում-քննարկումը համայնքապետարանի աշխատակիցների հետ: Համայնքի ղեկավարը նախ ներկայացրեց համայնքապետարանի նոր աշխատակիցներին՝ մաղթելով նրանց նորարարական գաղափարներով լի արդյունավետ աշխատանք և նախաձեռնողականություն: Այնուհետև յուրաքանչյուր բաժնի աշխատակից հանդես եկավ հաշվետվությամբ, որի նպատակն է վերլուծել աշխատակիցների աշխատանքային պարտականությունները, գնահատել նրանց զբաղվածությունն ու արձանագրված արդյունքները։ Արմեն Գրիգորյանն աշխատակազմի տարբեր բաժինների աշխատանքներում կարևորեց հատկապես համայնքի զարգացման Ռազմավարական ծրագրի առանցքային դերը՝ ընդգծելով դրա հիման վրա աշխատանքներն իրականացնելու անհրաժեշտությունը։ Համայնքի ղեկավարը լսեց բոլորին, հանդես եկավ դիտարկումներով և հանձնարարականներով, որոնք թույլ կտան առաջիկա տարվա աշխատանքները կազմակերպել առավել համակարգված և արդյունավետ։ |