Հիմք ընդունելով Գևորգ Իշխանի Նասիբյանի կողմից 08.11.2024թ. ներկայացված թիվ Ն-1293 դիմումը, «ԱՐՏՅՈՄ ՍԱՔԱՆՅԱՆ» ԱՁ-ի կողմից կազմված տեղագրական հատակագիծը, ՀՀ Լոռու մարզի առաջին ատյանի ընդհանուր իրավասության դատարանի 03.08.2022թ. /Գործ թիվ ԼԴ1/0790/02/20/ վճիռը, ՀՀ կառավարության 27.04.2006թ. թիվ 570-Ն որոշումը, ղեկավարվելով ՀՀ հողային օրենսգրքի 43-րդ հոդվածով, 64-րդ հոդվածով, 60-րդ հոդվածով, 118-րդ հոդվածով, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24 կետով` որոշում եմ.
1. Քաղաքացի Գևորգ Իշխանի Նասիբյանը դիմել է համայնքապետարան, իրեն համաձայն 03.08.2022թ. /Գործ թիվ ԼԴ1/0790/02/20/դատարանի վճռի պատկանող Լոռու մարզի Ստեփանավան համայնք, ք. Ստեփանավան 06-007-0285-0001 ծածկագրից տարանջատված, անասնաշենքի զբաղեցրած հողամասի հողօգտագործման իրավունքը ձևակերպելու խնդրանքով: Գևորգ Իշխանի Նասիբյանին պատկանող անասնաշենքը փաստացի զբաղեցնում է 0.17078 հա արդյունաբերական, ընդերքօգտագործման և այլ արտադրական նպատակային նշանակության, արտադրական օբյեկտների գործառնական նշանակության հողամաս, որը համապատասխանում է ՀՀ հողային օրենսգրքի 64-րդ հոդվածի 2-րդ կետի 1, 2, 3 ենթակետերի սահմանված պահանջներին և ընդգրկված չէ ՀՀ հողային օրենսգրքի 60-րդ հոդվածով նախատեսված սահմանափակումների ցանկում, ուստի ղեկավարվելով ՀՀ հողային օրենսգրքում լրացումներ և փոփոխություններ կատարելու մասին ՀՀ օրենքի 23-րդ հոդվածի 8-րդ կետով վերականգնել Գևորգ Իշխանի Նսիբյանին պատկանող անասնաշենքի զբաղեցրած հողամասի հողհատկացման հիմքերը 0.17078 հա մակերեսի չափով, որը օրենքի ուժով սեփականության իրավունքով փոխանցվում է Գևորգ Իշխանի Նասիբյանին:
2. Հողամասի սահմանները որոշվում են «ԱՐՏՅՈՄ ՍԱՔԱՆՅԱՆ» ԱՁ-ի կողմից 26.04.2023թ. կազմված և համայնքի ղեկավարի կողմից հաստատված հատակագծով
3. Սույն որոշումն ուժի մեջ է մտնում ընդունման պահից: Որոշումից ծագող իրավունքները ենթակա են գրանցման Հայաստանի Հանրապետության անշարժ գույքի կադաստրի կոմիտեի համապատասխան ստորաբաժանումում: