«Բուդո-Շին մարտարվեստի ֆեդերացիա» հասարակական կազմակերպությունը ավելի քան տաս տարի գործում է Ստեփանավան քաղաքում զարգացնելով մարտարվեստը: Քաղաքի երեխաները բազմիցս հնարավորություն են ունեցել մասնակցելու հանրապետական և միջազգային մրցաշարերի և վերադարձել են հաղթանակներով, տարբեր քաղաքի երեխաների հետ մասնակցել են նաև ֆեդերացիայի վրանային ճամբարներին:
Հիմք ընդունելով «Բուդո-Շին մարտարվեստի ֆեդերացիա» հասարակական կազմակերպության նախագահ Սուրեն Օչինյանի դիմումը և ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածով Ստեփանավան համայնքի ավագանին որոշում է. 1. Ընթացիկ տարվա միջոցառումները պատշաճ կազմակերպելու համար «Բուդո-Շին մարտարվեստի ֆեդերացիա» հասարակական կազմակերպությանը տրամադրել 150000 (մեկ հարյուր հիսուն հազար) ՀՀ դրամ աջակցություն:
2. Սույն որոշումն ուժի մեջ է մտնում պաշտոնական հրապարակման հաջորդող օրվանից: |