Հայաստանի Հանրապետության տարածքային կառավարման և ենթակառուցվածքների նախարարության հետ համագործակցությամբ «ԵՄ-ն հայկական համայնքներում էներգաարդյունավետության և վերականգնվող էներգիայի համար» ծրագրի շրջանակներում մեկնարկած «Փոքր մասշտաբի վերականգնվող էներգիայի և էներգաարդյունավետության միջոցառումներ հանրային շենքերում և պիլոտային մեկուսացում տնային տնտեսությունների մակարդակում» ծրագրի առաջին փուլով ՀՀ Լոռու մարզ, Ստեփանավան խոշորացված համայնքի կողմից ներկայացվել էր համայնքային շենքերի /տարածքների ցանկ։ Էներգախնայողության հիմնադրամի (ESF) մասնագետների դիտարկումների և վերլուծություններից հետո՝ Ստեփանավան համայնքից նախնական ընտրվել են ստորև ներկայացվող շենքերը/տարածքները՝
1. Կաթնաղբյուր գյուղ Կաթնաղբյուր բնակավայրի մանկապարտեզի շենք
2. Ուրասար գյուղ Ուրասար բնակավայրի մանկապարտեզի շենք,
3. Ուրասար գյուղ Բնակավայրի մշակույթի տուն
4. Արմանիս գյուղ Արմանիս բնակավայրի մանկապարտեզի շենք
Յուրաքանչյուր ՀՈԱԿ–ի համար համաֆինանսավորումը լինելու է կայանի արժեքի 25%–ի չափով (մոտ 400.000 ՀՀ դրամ):
Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածով Ստեփանավան համայնքի ավագանին՝ որոշում է. 1. Հաստատել «ԵՄ-ն հայկական համայնքներում էներգաարդյունավետության և վերականգնվող էներգիայի համար» ծրագրի շրջանակներում մեկնարկած «Փոքր մասշտաբի վերականգնվող էներգիայի և էներգաարդյունավետության միջոցառումներ հանրային շենքերում և պիլոտային մեկուսացում տնային տնտեսությունների մակարդակում» ծրագիրը և համայնքի կողմից կատարել ներդրում 25%-ի չափով ծրագրի պահանջներին համապատասխան: |