20.07.2019թ. ժամը 1750-ին Երևան քաղաքի Գ. Նժդեհի հրապարակում տեղի է ունեցել ավտոտրանսպորտային պատահար Ստեփանավան համայնքի սեփականությունը հանդիսացող «Ռենո» մակնիշի 268 LL 36 հաշվառման համարանիշի և «Մերսեդես» մակնիշի 68 QQ 880 հաշվառման համարանիշի ավտոմեքենաների միջև: Պատահարի ժամանակ Ստեփանավան համայնքի սեփականությունը հանդիսացող «Ռենո» մակնիշի ավտոմեքենայի վերաբերյալ ԱՊՊԱ պայմանագիր կնքված չի եղել: Բյուրոն հատուցել է այն ավտոտրանսպորտային միջոցի օգտագործմամբ պատճառված վնասը, որի վերաբերյալ կնքված չէ ԱՊՊԱ պայմանագիր և հետադարձ պահանջի իրավունք է ստացել վնաս պատճառած անձի և ավտոտրանսպորտային միջոցի սեփականատիրոջ նկատմամբ: Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով Ստեփանավան համայնքի ավագանին որոշում է` 1. Հայաստանի ապահովագրողների բյուրոյին, որպես վնասի հատուցման պայմանավորված հետադարձ պահանջի գումար հատկացնել 265000 ՀՀ դրամ:
2. Սույն որոշումը ուժի մեջ է մտնում հրապարակման հաջորդ օրվանից: |