Հիմք ընդունելով Ստեփանավան համայնքի ավագանու 11.04.2025թ. թիվ 31-Ա որոշումը, 07.06.2010թ. N 08042025-06-0009 անշարժ գույքի նկատմամբ իրավունքների պետական գրանցման վկայականը և ՀՀ կառավարության 27.04.2006թ. թիվ 570-Ն որոշումը, ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 16-րդ և 24-րդ կետերով, 43-րդ հոդվածի 3-րդ կետով, ՀՀ հողային օրենսգրքի 60-րդ, 76-րդ և 78-րդ հոդվածներով՝ որոշում եմ.

1. Համայնքի քաղաքաշինական ծրագրային փաստաթղթերի համապատասխան, մրցույթով 10 տարի ժամկետով վարձակալությամբ տրամադրել համայնքի սեփականությունը հանդիսացող, 06-051-0043-0001 կադաստրային ծածկագրով, 1․26 հա մակերեսով, մարզ Լոռի, համայնք Ստեփանավան գյուղ Կաթնաղբյուր 8-րդ փողոց 20 հողամաս հասցեում գտնվող արդյունաբերության, ընդերքօգտագործման և այլ արտադրական նշանակության նպատակային նշանակության, գյուղատնտեսական արտադրական օբյեկտների գործառնական նշանակության հողամասը, հողամասում առկա 41․1 քմ մակերեսով պահեստը, 1641․9 քմ մակերեսով անասնագոմը և 1641․1 քմ մակերեսով անասնաշենքը: Մեկնարկային գին սահմանել 1000000 /մեկ միլիոն/ ՀՀ դրամ:
2. Հողամասը ընդգրկված չէ ՀՀ հողային օրենսգրքի 60-րդ հոդվածով սահմանված հողերի ցանկում:
3. Ստեփանավանի համայնքապետարանի մրցութային հանձնաժողովին՝ սույն որոշման 1-ին կետում նշված հողամասի նկատմամբ, մրցույթի անցկացման օրվանից մեկ ամիս առաջ զանգվածային լրատվության միջոցներով հրապարակել Հայաստանի Հանրապետության հողային օրենսգրքի 78-րդ հոդվածի 2-րդ մասով սահմանված պայմաններն ու պահանջները:
4. Սույն որոշումն ուժի մեջ է մտնում ընդունման պահից: