Ստեփանավանի համայնքապետարանում կայացած խորհրդակցության ընթացքում քննարկվեց համայնքի զարգացման, զբոսաշրջային ուղիների ձևավորման և քաղաքի ճանաչելիության բարձրացմանն ուղղված հարցեր։
Շեշտադրելով համայնքի զարգացման ծրագրերի կարևորությունը՝ համայնքի ղեկավար Արմեն Գրիգորյանը խոսեց նորարար առաջարկների ու հեռանկարային գաղափարների մասին, որոնք կխթանեն համայնքի զարգացումն ու բարեկեցությունը։ Այստեղ կրկին ընդգծվեց թիմային աշխատանքի կարևորությունը:
Ստեփանավան համայնքի ղեկավարի ցանկությունն է ՝ տեսնել համայնքը զարգացող, գեղեցիկ և հյուրընկալ, որտեղ զբոսաշրջիկներին և հյուրերին գոհացնելու համար մշտապես կլինեն նոր հնարավորություններ:
|