2025 թվականի փետրվարի 8-ին Ստեփանավան քաղաքի Աշոտաբերդ թաղամասի թիվ 8 շենքի բռնկված հրդեհի պատճառով մահացել է Արևիկ Ստեփանի Մանուկյանը:
Հաշվի առնելով տվյալ հանգամանքը, Ստեփանավանի համայնքապետարանը դիմել է սգո ծառայություններ մատուցող Ա/Ձ Սեդրակ Բաղդասարյանին, որն էլ իրականացրել է հուղարկավորության արարողությունները, որի ընդհանուր գումարը կազմում է 550000 (հինգ հարյուր հիսուն հազար) ՀՀ դրամ:
Ելնելով վերոգրյալից և ղեկավարվելով «Տեղական ինքակառավարման մասին» Հայաստանի Հանրապետության օրենքի 42-րդ հոդվածի 1-ին մասի 17-րդ կետով, «Հուղարկավորությունների կազմակերպման և գերեզմանատների ու դիակիզարանների շահագործման մասին» Հայաստանի Հանրապետության օրենքի 13-րդ հոդվածով, մատուցած ծառայության դիմաց Ստեփանավան համայնքի ավագանին որոշում է 1. Մատուցած ծառայության դիմաց Ա/Ձ Սեդրակ Բաղդասարյանին տրամադրել 550000 (հինգ հարյուր հիսուն հազար) ՀՀ դրամ:
2. Սույն որոշումն ուժի մեջ է մտնում պաշտոնական հրապարակման հաջորդող օրվանից: |