Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 29-րդ կետով, Հայաստանի Հանրապետության կառավարության 2015թ. հուլիսի 23-ի «Հայաստանի Հանրապետության համայնքների (բնակավայրերի) գլխավոր հատակագծերի մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի N 609-Ն ու 2010 թվականի մարտի 4-ի N 208-Ն որոշումներն ուժը կորցրած ճանաչելու մասին» N 1920-Ն որոշումով, «Քաղաքաշինության մասին» ՀՀ օրենքի 14.3 հոդվածի 30-րդ մասի պահանջով, հիմք ընդունելով 20.11.2023թ. 20112023-06-0067 սեփականության վկայականը, քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 03.04.2025թ. թիվ 2/փ 119 դրական եզրակացությունը Ստեփանավան համայնքի ավագանին որոշում է 1. Տալ հավանություն Հայաստանի Հանրապետության Լոռու մարզի Ստեփանավան համայնքի Ստեփանավան քաղաքը ներառող միկրոռեգիոնալ մակարդակի Լոռու-5 համակցված տարածական պլանավորման փաստաթղթի փոփոխությանը՝ Ստեփանավան համայնքի Ստեփանավան քաղաքի վարչական սահմանում գտնվող 06-007-1519-0003 կադաստրային ծածակագրի 0,25 հա մակերեսով ջրային նպատակային նշանակության ջրային հողերը փոխադրել էներգետիկայի, կապի, տրանսպորտի, կոմունալ ենթակառուցվածքների օբյեկտների նպատակային նշանակության, էներգետիկայի հողեր գործառնական նշանակության:
2. Համայնքի ղեկավարին՝ նշված փոփոխություններն արտացոլել Ստեփանավան քաղաքի ընթացիկ քաղաքաշինական քարտեզում, ՀՀ օրենսդությամբ սահմանված կարգով ապահովել Ստեփանավան քաղաքի հաստատված գոտևորման նախագծում սույն որոշումից բխող փոփոխությունները: |