Հայաստանի տարածքային զարգացման հիմնադրամը որպես նպատակային նվիրաբերություն Ստեփանավան խոշորացված համայնքի տրամադրել է տեխնիկական միջոցներ ու սարքավորումներ Ստեփանավան խոշորացված համայնքի աղբահանության և սանիտարական մաքրման համար: Ոստի անհրաժեշտություն է առաջացել նշված նպատակները իրականացնելու համար ստեղծել համայնքային ոչ առևտրային կազմակերպություն: Ելնելով նշվածից և ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 15-րդ, 16-րդ և 28-րդ կետերով և «Պետական ոչ առևտրային կազմակերպությունների մասին» ՀՀ օրենքով Ստեփանավան համայնքի ավագանին որոշում է`

1. Ստեղծել «ՍՏԵՓԱՆԱՎԱՆ ՀԱՄԱՅՆՔԻ ԿՈՄՈՒՆԱԼ ՍՊԱՍԱՐԿՈՒՄ և ԲԱՐԵԿԱՐԳՈՒՄ» համայնքային ոչ առևտրային կազմակերպություն:

2. Հաստատել «ՍՏԵՓԱՆԱՎԱՆ ՀԱՄԱՅՆՔԻ ԿՈՄՈՒՆԱԼ ՍՊԱՍԱՐԿՈՒՄ ԵՎ ԲԱՐԵԿԱՐԳՈՒՄ» համայնքային ոչ առևտրային կազմակերպություն կանոնադրությունը, հաստիքացուցակը և պաշտոնային դրույքաչափերը համաձայն թիվ 1 և թիվ 2 հավելվածների:

3. Հաստատության գործունեության նպատակն է Ստեփանավան խոշորացված համայնքի վարչական տարածքում բարեկարգման, կանաչապատման և բնության ու շրջակա միջավայրի պահպանման, փողոցների և համայնքային սեփականություն հանդիսացող վայրերի գիշերային լուսավորության, գերեզմանատների գործունեության կազմակերպման ու պահպանման, աղբահանության և սանիտարական մաքրման, բնակ-կոմունալ ֆոնդի պահպանման և նորոգման, համայնքի տարածքում տրանսպորտային ենթակառուցվածքների պահպանման և նորոգման աշխատանքների կազմակերպումը և իրականացումը:

4. Հաստատել նոր ստեղծվող կազմակերպությանը հանձնվող և ամրացվող գույքի կազմը և արժեքը համաձայն թիվ 3 հավելվածի:

5. Համաձայնություն տալ համայնքի ղեկավարի ներկայացրած Հրաչյա Սերյոժայի Սուքիասյանի (անձնագիր` AR 0689447, տրված 15.05.2018թ., 053-ի կողմից) թեկնածությանը «ՍՏԵՓԱՆԱՎԱՆ ՀԱՄԱՅՆՔԻ ԿՈՄՈՒՆԱԼ ՍՊԱՍԱՐԿՈՒՄ ԵՎ ԲԱՐԵԿԱՐԳՈՒՄ» համայնքային ոչ առևտրային կազմակերպության տնօրենի պաշտոնին նշանակելու համար: