Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 24 կետով, 43-րդ հոդվածով, հիմք ընդունելով՝ ՀՀ կառավարության 27.04.2006 թվականի թիվ 570-Ն որոշումը, Ստեփանավան քաղաքային համայնքի 2013թ. հաստատված գլխավոր հատակագիծը, 20042018-06-0001 անշարժ գույքի նկատմամբ իրավունքների պետական գրանցման վկայականը, «ԱՐՏՅՈՄ ՍԱՔԱՆՅԱՆ» ԱՁ-ի կողմից կազմված տեղագրական հատակագծը որոշում եմ.
1. ՀՀ Լոռու մարզի Ստեփանավան համայնքի 06-007-0020-0035 ծածկագրի հողամասը համաձայն ՀՀ կառավարության 27.04.2006թ. թիվ 570-Ն որոշման սեփականության իրավունքով փոխանցված է Ստեփանավան համայնքին 06-007-0020-0001 ծածկագրից և հանդիսանում է բնակավայրերի նպատակային նշանակության, այլ հողատեսք գործառնական նշանակության հողամաս:
2. Հիմք ընդունելով Ստեփանավան քաղաքային համայնքի գլխավոր հատակագիծը փոխել Գ.Նժդեհի փողոց 3/13-7 հասցեում 06-007-0020-0035 կադաստրային ծածկագրի տակ գտնվող 0.002 հա հողամասի գործառնական նշանակությունը՝ այլ հողատեսք գործառնական նշանակությունից խառը կառուցապատման գործառնական նշանակության:
3. Նշված հողամասը համաձայն 20.04.2018թ. թիվ 20042018-06-0001 անշարժ գույքի նկատմամբ իրավունքների պետական գրանցման վկայականի հանդիսանում է Էդիկ Սերյոժի Վերանյանի հողամասի կառուցապատման իրավունքը:
4. Հողամասի սահմանները որոշվում են «ԱՐՏՅՈՄ ՍԱՔԱՆՅԱՆ» ԱՁ-ի կողմից կազմված և համայնքի ղեկավարի կողմից հաստատված հատակագծի:
5. Անվավեր ճանաչել Ստեփանավան համայնքի ղեկավարի 12.04.2019թ. թիվ 114 որոշումը:
6. Դիմել Հայաստանի Հանրապետության անշարժ գույքի կադաստրի կոմիտեի աշխատակազմի Լոռու մարզային ստորաբաժանում նշված հողամասի նկատմամբ Ստեփանավան համայնքի սեփականության իրավունքի պետական գրանցում իրականացնելու համար:
7. Սույն որոշումն ուժի մեջ է մտնում ընդունման պահից: