Ստեփանավան համայնքի զարգացման, քաղաքաշինական ծրագրերի իրականացման համար անհրաժեշտություն է առաջացել սահմանված կարգով օտարել համայնքային սեփականություն հանդիսացող հողամասը:
Ելնելով վերոգրյալից և հիմք ընդունելով Ստեփանավան համայնքի ավագանու 13.09.2022թ. թիվ 81-Ա որոշումը, ՀՀ կառավարության 27.04.2006թ. թիվ 570-Ն, և 13.09.2022թ. թիվ 13092022-06-0053 անշարժ գույքի նկատմամբ իրավունքների պետական գրանցման վկայականը, ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 16-րդ և 24-րդ կետերով, ՀՀ հողային օրենսգրքի 63-րդ և 67-րդ հոդվածներով` որոշում եմ.
1. Համայնքի քաղաքաշինական ծրագրային փաստաթղթերի համապատասխան, աճուրդ վաճառքի սահմանված կարգով օտարել համայնքային սեփականություն հանդիսացող հետևյալ հողամասը՝ 06-007-0292-0035 կադաստրային ծածկագրով, ք. Ստեփանավան, Միքայելյան փողոց, թիվ 78/2 հասցեում գտնվող 4.92717 հա մակերեսով հատուկ պահպանվող տարածքների նպատակային նշանակության, հանգստի համար նախատեսված գործառնական նշանակության հողամասը: Մեկնարկային գին սահմանել հողի կադաստրային արժեքը՝ 92 517 500 / իննսուներկու միլիոն հինգ հարյուր տասնյոթ հազար հինգ հարյուր / ՀՀ դրամ:
2. Ստեփանավանի համայնքապետարանի աճուրդային հանձնաժողովին՝ ապահովել սույն որոշմամբ հաստատված աճուրդով օտարման ենթակա գույքի վերաբերյալ տեղեկատվության հրապարակումը և սահմանված կարգով ապահովել աճուրդի անցկացումն ու արդյունքների ամփոփումը:
3. Սույն որոշումն ուժի մեջ է մտնում պաշտոնական հրապարակման հաջորդող օրվանից: