| Բովանդակություն * | Ստեփանավանի համայնքապետարանում այգու տնօրինության և ոլորտային պատասխանատուների մասնակցությամբ սեպտեմբերի 26-ին տեղի ունեցավ հերթական խորհրդակցությունը։
Համայնքի ղեկավար Արմեն Գրիգորյանը ներկաների հետ քննարկեց այգու գործունեության հետ կապված ընթացիկ տարվա աշխատանքները, շեշտադրեց առկա թերություններն ու բացթողումները, որոնք պետք է հաշվի առնել գալիք տարվա ծրագրերում՝ ունենալու համար ավելի կոկիկ, բարեկարգ և հարմարավետ այգի։
Քննարկվեցին նաև մի շարք այլ կարևոր հարցեր՝ կապված այգու պահպանության, ատրակցիոնների համալրման և ընդհանուր բարեկարգման հետ։
Խորհրդակցության ընթացքում համայնքի ղեկավարը ներկայացրեց հետաքրքիր առաջարկներ, որոնք առաջիկայում կյանքի կկոչվեն՝ ուրախություն պարգևելով հատկապես երեխաներին:
Ոլորտային պատասխանատուներին համայնքի ղեկավարի կողմից տրվեցին հստակ հանձնարարականներ, որոնց իրականացումն անհրաժեշտ է ապահովել սեղմ ժամկետներում։ |