Ղեկավարվելով «Արտակարգ իրավիճակներում բնակչության պաշտպանության մասին» Հայաստանի Հանրապետության օրենքի 15-րդ հոդվածի բ), գ), դ) կետերով, «Տարածքային կառավարման մասին» Հայաստանի Հանրապետության օրենքի 5-րդ հոդվածի 3-րդ մասով և 19-րդ հոդվածի 1-ին մասի 1-ին և 4-րդ կետերով, Լոռու մարզի Ստեփանավան համայնքի տարածքում 2023 թվականի ընթացքում հնարավոր ջրհեղեղների, հեղեղումների, սելավների և սողանքների կանխարգելման, հետևանքների նվազեցման ու վերացման միջոցառումների կազմակերպման նպատակով որոշում եմ.

1. Հաստատել ՀՀ Լոռու մարզի Ստեփանավան համայնքում հնարավոր ջրհեղեղների, հեղեղումների, սելավների և սողանքների կանխարգելման, հետևանքների նվազեցման ու վերացման միջոցառումների պլանը` համա¬ձայն թիվ 1 հավելվածի:

2. Քաղաքաշինության, հողաշինության, գյուղանտեսության և բնապահպանության բաժնի և Ֆինանսատնտեսագիտական, եկամուտների հաշվառման և հավաքագրման բաժնի պետին` հատկացնել համապատասխան գումար նշված կանխարգելիչ միջոցառումների համար

3. Մինչև յուրաքանչյուր ամսվա 5-ը ՀՀ ԱԻՆ ՓԾ Լոռու մարզային փրկարարական վարչությանը ներկայացնել տեղեկատվություն աշխատանքների կատարման ընթացքի մասին: