Հիմք ընդունելով Ստեփանավան քաղաքի բնակիչ Համլետ Սարգսի Ազիբեկյանի կողմից ներկայացված դիմումը՝ ՀՀ Լոռու մարզի համայնք Ստեփանավան, ք.Ստեփանավան Վիրահայոց մայրուղի թիվ 49 և Վիրահայոց փողոց թիվ 72/1 հասցեներում գտնվող անշարժ գույքերի միավորման արդյունքում առաջացած անշարժ գույքին նոր փոստային հասցե տրամադրելու, միավորված հողամասի վրա նրա կողմից ինքնակամ կառույցի օրինականացնելու և հողամասում առկա ծածկերում կատարված փոփոխությունները օրինական ճանաչելու և գործառնական նշանակությունները փոփոխելու խնդրանքը, 17.06.2011թ. N 2503937 անշարժ գույքի սեփականության /օգտագործման/ իրավունքի պետական գրանցման և 22.05.2017թ. N 22052017-06-0014 անշարժ գույքի նկատմամբ իրավունքների պետական գրանցման վկայականները, Ստեփանավան համայնքի գլխավոր հատակագիծը, §ԱՐՏՅՈՄ ՍԱՔԱՆՅԱՆ¦ ԱՁ-ի կողմից տրված տեղագրական հատակագիծը, նկատի ունենալով, որ տվյալ կառույցի պահպանումը չի խախտում այլ անձանց իրավունքները և օրենքով պահանջվող շահերը, վտանգ չի սպառնում քաղաքացիների կյանքին և առողջությանը և քանի որ շինությունը կառուցված չէ քաղաքաշինության նորմերի և կանոնների էական խախտումներով, չի առաջացնում հարկադիր սերվիտուտ պահանջելու իրավունք, ուստի ղեկավարվելով՝ §Տեղական ինքնակառավարման մասին¦ ՀՀ օրենքի 35-րդ հոդվածի 24 կետով, Հայաստանի Հանրապետության քաղաքացիական օրենսգրքով, Հայաստանի Հանրապետության 02.02.2002թ. թիվ 88 որոշման, ՀՀ կառավարության 18.05.2006 թվականի թիվ 912-Ն որոշման պահանջներով, ՀՀ կառավարության 2005թ. դեկտեմբերի 29-ի թիվ 2387-Ն որոշմամբ` որոշում եմ.
1. Օրինականացնել Համլետ Սարգսի Ազիբեկյանի կողմից իրեն սեփականության իրավունքով պատկանող 06-007-0104-0011 և 06-007-0104-0029 ծածկագրերի տակ գտնվող՝ 0.03079 հա միավորման արդյունքում առաջացած հողամասում ինքնակամ կառուցված 45.31 քմ արտաքին մակերեսով խոհանոցի շենքը:
2. Միավորման արդյունքում առաջացած 0.03079 հա հողամասի գործառնական նշաանակությունը՝ հասարակական կառուցապատման գործառնական նշանակության:
3. Օրինականացման համար համայնքի բյուջե վճարել՝ 45.31 քմ արտաքին մակերեսով խոհանոցի շենքի համար 77934.0 /յոթանասունյոթ հազար ինը հարյուր երեսունչորս/ ՀՀ դրամ:
4. Օրինականացման համար սահմանված վճարը 60-օրյա ժամկետում չվճարելու դեպքում որոշումը համարել ուժը կորցրած:
5. Օրինական ճանաչել հողամասում առկա թվով 4 հատ ծածկերի փոփոխությունները և փոխել դրանց գործառնակական նշանակությունը առանձնասենյակների: Ծածկերի գործառնական նշանակությունը փոփոխված է՝ առանձնասենյակներ գործառնական նշանակության առանց ճարտարապետահատակագծային առաջադրանքի տրամադրման, քանի որ վերը նշված շինություններում կատարված փոփոխությունները իրականացվել են ծածկերի ապակեպատման եղանակով:
6. Հաստատել 06-007-0104-0011 և 06-007-0104-0029 ծածկագրերում գտնվող միավորված 0.03079 հա հողամասի և հողամասի վրա կառուցված անշարժ գույքի նոր փոստային հասցեն` ՀՀ Լոռու մարզ համայնք Ստեփանավան, ք.Ստեփանավան Վիրահայոց փողոց թիվ 72/1 ռեստորան:
7. Սույն որոշումն ուժի մեջ է մտնում ընդունման պահից, որոշումից ծագող իրավունքները ենթակա են պետական գրանցման Հայաստանի Հանրապետության անշարժ գույքի կադաստրի կոմիտեի աշխատակազմի Լոռու մարզային ստորաբաժանումում: