Հիմք ընդունելով Ստեփանավան համայնքի ավագանու 23.12.2019թ. թիվ N 104-Ա որոշումը և ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 16-րդ և 24-րդ կետերով, 43-րդ հոդվածի 1-ին մասի 3-րդ կետով, Հայաստանի Հանրապետության հողային օրենսգրքի 76-րդ, 77-րդ, 94-րդ հոդվածներով` որոշում եմ.

1. Մրցույթով վարձակալության տրամադրել համայնքի սեփականությունը հանդիսացող գյուղատնտեսական հետևյալ հողերը`

ա/ Գյուղ Ուրասար, 2-րդ կարգի վարելահող, ծածկագիր 06-106-0114-0016 մակերեսը` 3.6194 հա: Տարեկան վարձավճարի մեկնարկային գինը 330000 դրամ, վարձակալության ժամկետը 25 տարի :

բ/ Գյուղ Ուրասար 2-րդ կարգի արոտավայր, ծածկագիր 06-106-0114-0001, մակերեսը` 3.01 հա: Տարեկան 1 հեկտարի վարձավճարի մեկնարկային գինը 19400 դրամ:

2. Ստեփանավանի համայնքապետարանի մրցույթային հանձնաժողովին` սույն որոշման 1-ին կետում նշված հողամասերի նկատմամբ մրցույթի անցկացման օրվանից մեկ ամիս առաջ զանգվածային լրատվության միջոցներով հրապարակել Հայաստանի Հանրապետության հողային օրենսգրքի 78-րդ հոդվածի 2-րդ մասով սահմանված պայմաններն ու պահանջները:

3. Սույն որոշումը ուժի մեջ է մտնում ընդունման հաջորդ օրվանից: