Հիմք ընդունելով Ստեփանավան համայնքի ղեկավարի 2019թ. մարտի 25-ի թիվ 79 որոշումն ու համայնքապետարանի հողամասն աճուրդով վաճառելու մասին 2019թ. մայիսի 02-ի թիվ 3 արձանագրությունը, ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով` որոշում եմ.

1. Ստեփանավան համայնք, ք. Ստեփանավան, Անտառային փողոց 3-րդ նրբանցք 26 հասցեում 0.08087 հա մակերեսով, 06-007-0059-0030 ծածկագրով թիվ 15032019-06-0043 անշարժ գույքի համայնքային սեփականության իրավունքի գրանցման վկայականով հողամասը, համաձայն հավելվածի, բնակելի տուն կառուցելու նպատակով, 469694 (չորս հարյուր վաթսունինը հազար վեց հարյուր ինսունչորս) ՀՀ դրամով օտարել 2019թ. մայիսի 02-ին Ստեփանավանի համայնքապետարանի աշխատակազմի կողմից անցկացված աճուրդի արդյունքում հաղթող ճանաչված Էրիկ Վովայի Մաղաքյանին:

2. Էրիկ Վովայի Մաղաքյանին` տասներկուօրյա ժամկետում համայնքապետարանի ֆինանսների և եկամուտների հաշվառման, հավաքագրման, տուրքերի ու վճարների գանձման բաժնի հետ ՀՀ օրենսդրությամբ սահմանված կարգով կնքել հողամասի առուվաճառքի պայմանագիր:

3. Օտարված հողամասի փոստային հասցեն` Ստեփանավան համայնք, ք. Ստեփանավան, Անտառային փողոց 3-րդ նրբանցք 26 հողամաս: