Հիմք ընդունելով Ստեփանավան քաղաքի բնակիչ Հակոբ Սահակի Աբրահամյանի կողմից ներկայացված դիմումը՝ ՀՀ Լոռու մարզի համայնք Ստեփանավան, ք.Ստեփանավան Մ.Բաղրամյան փողոց թիվ 47 հասցեում նրա կողմից ինքնակամ կառույցի օրինականացնելու խնդրանքը, 29.05.2007 թ. N 2309824 անշարժ գույքի սեփականության իրավունքի պետական գրանցման վկայականը, 02.02.2009թ. թիվ 1 ավարտված շինարարական օբյեկտի շահագործումն ընդունող հանձնաժողովի ակտը, «ԱՐՏՅՈՄ ՍԱՔԱՆՅԱՆ» ԱՁ-ի կողմից կազմված տեղագրական հատակագծը, նկատի ունենալով, որ տվյալ կառույցի պահպանումը չի խախտում այլ անձանց իրավունքները և օրենքով պահանջվող շահերը, վտանգ չի սպառնում քաղաքացիների կյանքին և առողջությանը և քանի որ շինությունը կառուցված չէ քաղաքաշինության նորմերի և կանոնների էական խախտումներով, չի առաջացնում հարկադիր սերվիտուտ պահանջելու իրավունք, ուստի ղեկավարվելով՝ §Տեղական ինքնակառավարման մասին¦ ՀՀ օրենքի 35-րդ հոդվածի 24 կետով, ՀՀ կառավարության 18.05.2006 թվականի թիվ 912-Ն որոշման պահանջներով, ՀՀ կառավարության 2005թ. դեկտեմբերի 29-ի թիվ 2387-Ն որոշմամբ` որոշում եմ

1. Օրինականացնել Հակոբ Սահակի Աբրահամյանի կողմից իրեն սեփականության իրավունքով պատկանող 0.006 հա հողամասում ինքնակամ կառուցված՝ 39.99 քմ մակերեսով առևտրի և սպասարկման ոլորտի օբյեկտի 1-ին հարկը, 2.39 քմ մակերեսով աստիճանահարթակը և 13.53 քմ մակերեսով առևտրի և սպասարկման ոլորտի օբյեկտի 2-րդ հարկը:

2. Սույն որոշման ընդունմամբ հողամասի գործառնական նշանակությունը համարել փոփոխված համաձայն ներկայացված հատակագծի` հասարակական կառուցապատման:

3. Օրինականացման համար համայնքի բյուջեի 900255001407 հաշվեհամարին վճարել՝ ընդհանուր 55.91 քմ մակերեսով առևտրի և սպասարկման ոլորտի օբյեկտի համար 96166.0 /իննսունվեց հազար մեկ հարյուր վաթսունվեց/ ՀՀ դրամ:

4. Օրինականացման համար սահմանված վճարը 60-օրյա ժամկետում չվճարելու դեպքում որոշումը համարել ուժը կորցրած:

5. Հաստատել վերը նշված անշարժ գույքի նոր փոստային հացեն` ՀՀ Լոռու մարզ Ստեփանավան համայնք, ք.Ստեփանավան Եկեղեցու փողոց թիվ 1/1 առևտրի և սպասարկման ոլորտի օբյեկտ:

6. Սույն որոշումն ուժի մեջ է մտնում ընդունման պահից, որոշումից ծագող իրավունքները ենթակա են պետական գրանցման Հայաստանի Հանրապետության կադաստրի կոմիտեի աշխատակազմի Լոռու մարզային ստորաբաժանումում: