10.04.2013թ. թիվ 1166 սեղանամատյանով կնքված անշարժ գույքի /ոչ բնակելի տարածքի/ վարձակալության պայմանագրի, 25.12.2015թ. թիվ 2762 գրանցամատյանով հաստատված վերը նշված պայմանագրում փոփոխություն կատարելու մասին համաձայնության և 18.12.2017 թվականի թիվ 3257 գրանցամատյանով հաստատված ոչ բնակելի տարածքի վարձակալության պայմանագրի ժամկետը երկարաձգելու մասին համաձայնագրի համաձայն, Ստեփանավան համայնքի Միլիոն փողոց թիվ 1 հասցեում գտնվող վարչական շենքի 1-ին հարկից, ընդհանուր 83.88 քմ մակերեսով ոչ բնակելի տարածքը վարձակալության իրավունքով մինչև 30.07.2020թ. ժամկետով տրամադրվել է Հայաստանի Հանրապետության աշխատանքի և սոցալական հարցերի նախարարությանը: Հիմք ընդունելով ՀՀ ԱՍՀՆ-ի կողմից ներկայացված դիմումը, վերը նշված պայմանագիրը և համաձայնությունը, ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, քաղաքացիական օրենսգրքի 624-րդ հոդվածով` որոշում եմ.

1. Ուժը կորցրած ճանաչել Ստեփանավան համայնքի ղեկավարի պաշտոնակատարի 03.12.2020թ. թիվ 371 որոշումը:

2. Երկարաձգել ՀՀ Լոռու մարզի Ստեփանավան համայնքի Միլիոն փողոց թիվ 1 հասցեում գտնվող վարչական շենքի 1-ն հարկում գտնվող 83.88 քմ ընդհանուր մակերեսով ոչ բնակելի տարածքի վարձակալության պայմանագիրը անորոշ ժամկետով:

3. Ոչ բնակելի տարածքի վարձավճարի չափը թողնել անփոփոխ համաձայն 25.12.2015թ. թիվ 2762 գրանցամատյանով հաստատված համաձայնության 2 կետի:

4. Սույն որոշումն ուժի մեջ է մտնում ընդունման օրվանից: